اقتوبەدە 2012 جىلى اسا قاۋىپتى قىلمىسكەرلەر اتقان جول پوليتسياسى قىزمەتكەرى تەمىربەك جاقسىلىقباەۆتىڭ ۇلى مەن جەسىرى ۋادە ەتىلگەن پاتەردى الا المادى, دەپ حابارلايدى Egemen.kz
سەگىز جىل بۇرىن ينسپەكتور جاقسىلىقباەۆ سەرىكتەسىمەن بىرگە اقتوبە قالاسىنىڭ شەتىندە تاكسي جۇرگىزۋشىسىنە شابۋىل جاساعان قاراقشىلاردى ۇستاۋعا تىرىسقان. قىلمىسكەرلەر ءتارتىپ ساقشىسىن اتىپ تاستادى.
ينسپەكتور قايتىس بولعاننان كەيىن ەرلىگى ءۇشىن ءۇشىنشى دارەجەلى "ايبىن" وردەنىمەن ماراپاتتالدى. مارقۇمنىڭ وتباسىنا اقىسىز باسپانا ۋادە ەتىلگەن, بىراق ءالى بەرىلمەپتى.
ينسپەكتوردىڭ جەسىرى گۇلفيا جاقسىلىقباەۆا ۋادە ەتىلگەن پاتەرگە قول جەتكىزەمىن دەگەن ۇمىتپەن ۇزاق ۋاقىتتان بەرى اكىمدىك ەسىگىن قاعىپ جۇرگەنىمەن, ناتيجە بولماعان.
"اكىمدىك پاتەرگە ۋادە بەردى. ولار ءبىزدىڭ ماسەلەلەرىمىزدى سۇرادى, بىزدە باسپانا ماسەلەسى بار ەكەنىن ايتتىق, ونى جوندەيمىز دەدى, بىزگە كومەكتەسىڭىزدەر. بىراق بۇنىڭ ءبارى ۋادە", دەيدى جەسىر ايەل.
گۋلفيا دا پوليتسيادا جۇمىس ىستەيدى. ول ۇلىمەن قىزمەتتىك پاتەردە تۇرادى, بىراق بۇل باسپانا تۇراقتى ەمەس.
ال وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى وتباسى كەزەگى كەلگەندە پاتەر الاتىنىن ايتىپ وتىر.
"تۇرعىن ءۇي قاتىناستارى تۋرالى زاڭعا سايكەس, وعان پاتەر كەزەگى بويىنشا بەرىلەدى. بۇل تولىق ەمەس وتباسى, ونىڭ ءنومىرى تولىق ەمەس وتباسى ءۇشىن 2215, ال الەۋمەتتىك جاعىنان وسال توپتار قاتارىندا 3994", دەدى اقتوبە وبلىسىنىڭ ەنەرگەتيكا باسقارماسى جانە تۇرعىن ءۇي-كوممۋنالدىق شارۋاشىلىق ءبولىمىنىڭ باستىعى ايدانا ەسباتىروۆا.
شەنەۋنىكتەر جەسىر ايەل بىردەن ەكى ساناتتا تۇر دەپ ءتۇسىندىردى. 2010 جىلدان - مەملەكەتتىك قىزمەتكەر رەتىندە, ال ەكى جىلدان كەيىن, كۇيەۋى قايتىس بولعان سوڭ الەۋمەتتىك وسال وتباسىلار ساناتىنا قوسىلدى. بىراق بۇل باسپانا الۋ جىلدامدىعىنا اسەر ەتپەيدى.