نيدەرلاند دەنساۋلىق ساقتاۋ ۇلتتىق ينستيتۋتىنىڭ (RIVM) مالىمەتىنشە, ەلدە وتكەن تاۋلىكتە 8141 كوروناۆيرۋس جۇقتىرۋ وقيعاسى تىركەلگەن, دەپ حابارلايدى Egemen.kz
اۋرۋحاناعا جاتقىزىلعان ناۋقاستار سانى 15-تەن 1568-گە دەيىن كوبەيدى, ونىڭ 352-ءى قارقىندى تەراپيا بولىمىندە ەم الىپ جاتىر. كوروناۆيرۋستان 28 ادام قايتىس بولدى. وسىلايشا كەيىنگى اپتادا نيدەرلاندتاعى ورتاشا تاۋلىكتىك ءولىم كورسەتكىشى - 24.
وكىنىشكە قاراي, بۇل سان وتكەن اپتامەن سالىستىرعاندا جەتەۋگە ارتىق. كوروناۆيرۋسقا شالدىققاندار ەڭ كوپ انىقتالعان ايماق – امستەردام. 683 ادام تىركەلگەن. RIVM ينستيتۋتىنىڭ ۆيرۋسولوگى يااپ ۆان ديسسەل جەرگىلىكتى تەلەارنالاردىڭ بىرىندە نيدەرلاند ۇكىمەتى وسى اپتادا ەنگىزگەن ءىشىنارا وقشاۋلاۋ شاراسى 2020 جىلدىڭ جەلتوقسانىنا دەيىن سوزىلۋى مۇمكىن ەكەنىن حابارلادى.
"ەگەر ەسەپتەۋ جۇرگىزەتىن بولساق, كۆي ءوسىمى ۇزاققا سوزىلۋى مۇمكىن, كورسەتكىشتەر دە جوعارى بولادى", دەيدى ۆيرۋسولوگ.
"بۇل جاعدايدىڭ قانشالىقتى ۇزاققا سوزىلاتىنىن بولجاۋعا بولادى, بىراق بيىل جەلتوقسان ايىنا دەيىن ۇزارۋى مۇمكىن ەكەنىن ناقتى ايتا الامىز", دەپ سەنىمدى ايتتى يا.ديسسەل.