قازاقستان مەن تۇركيا تۇركىستان وبلىسىندا ۆەتەريناريا پرەپاراتى مەن ۆاكتسينا وندىرۋگە كەلىستى, دەپ حابارلايدى Egemen.kz
اۋىل شارۋاشىلىعى مينيسترلىگى ءباسپاسوز قىزمەتىنىڭ مالىمەتىنشە, تۇركيا تۇركىستان وبلىسىندا ۆەتەريناريا پرەپاراتى مەن ۆاكتسينا شىعاراتىن زاۋىت سالۋ تۋرالى قۇجاتقا قول قويىلدى. اۋىل شارۋاشىلىق ءمينيسترى ساپارحان وماروۆ تۇركياعا جۇمىس ساپارى اياسىندا ادىيامان قالاسىنداعى "Vەtal Animal Health Products LTD" كومپانياسىنىڭ ءوندىرىس نىساندارىن ارالادى. ساپارحان وماروۆ زاۋىتتا ۆەتەريناريالىق ۆاكتسينا, سارىسۋجانە باسقا دا بيوپرەپارات ءوندىرۋ بارىسىمەن تانىستى.
"ساپاردىڭ قورىتىندىسى بويىنشا قازاقستاننىڭ تۇركيا رەسپۋبليكاسىنداعى ەلشىسى ابزال ساپاربەك ۇلى جانە ادىيامان پروۆينتسياسىنىڭ گۋبەرناتورى ماحمۇت چۋحاداردىڭ قاتىسۋىمەن قازاقستاندىق "Vetal Kazakhstan" جشس جانە "Vetal Animal Health Products LTD" كومپانياسى اراسىندا تۇركىستان وبلىسىندا 2021 جىلى ءوندىرىس قۇرۋ تۋرالى ينۆەستيتسيالىق جوبانى ىسكە اسىرۋ بويىنشا مەموراندۋمعا قول قويىلدى", دەلىنگەن حابارلامادا.
"Vetal Animal Health Products LTD" كومپانياسى 1991 جىلى قۇرىلعان. ۇلىبريتانيانىڭ Pilbright, World Reference Institute جانە Panvac Reference Institute سياقتى زەرتحانالارى سەرتيفيكاتتاعان 45 ءتۇرلى ۆاكتسينا شىعارادى. اتالمىش كومپانيا ۆەتەريناريالىق ۆاكتسينا, سارىسۋ جانە ءتۇرلى بيوپرەپارات وندىرەتىن جالپى اۋدانى 28 مىڭ شارشى مەتر زاماناۋي زاۋىتقا يە.
كومپانيا ونىمدەرى تۇركيا, يران, ءباا, يراك, پاكىستان, ازەربايجان, ۋكراينا, گرۋزيا, فرانتسيا جانە ت.ب. ەلدەرىندە قولدانىلادى