پارلامەنت ءماجىلىسىنىڭ دەپۋتاتى, ەكولوگيا جانە تابيعات پايدالانۋ ماسەلەلەرى جونىندەگى كوميتەتتىڭ توراعاسى گلەب ششەگەلسكي ومىردەن ءوتتى, دەپ حابارلايدى Egemen.kz ءماجىلىستىڭ ءباسپاسوز قىزمەتىنە سىلتەمە جاساپ.
قايعىلى جاعدايعا بايلانىستى ءماجىلىس سپيكەرى نۇرلان نىعماتۋللين مارقۇمنىڭ وتباسىنا, تاۋىس-تۋعاندارى مەن جاقىندارىنا كوڭىل ايتتى.
"گلەب اناتولەۆيچ ششەگەلسكيدىڭ مەزگىلسىز دۇنيەدەن وتكەنى تۋرالى قازالى حابار اۋىر ءتيدى. ول ادامگەرشىلىك جانە كاسىبي قاسيەتتەرىمەن ەرەكشەلەنەتىن, وتە سەزىمتال, ەلگەزەك جانە اسا جاۋاپتى جان ەدى. قازاقستاننىڭ شىنايى پاتريوتى بولاتىن. البەتتە, گلەب اناتولەۆيچ قازاقستان زاڭناما بازاسىن جەتىلدىرۋگە وتە قوماقتى ۇلەس قوستى. ءبىز زاڭ جوبالارىمەن جۇمىس ىستەگەندە دە, باسقا دا وزەكتى تاقىرىپتار جايلى سويلەسكەندە دە وتە كوپ ماسەلەلەردى تالقىلايتىنبىز. سونىڭ بارىندە ول تاقىرىپقا جان-تانىمەن كىرىسىپ, جۇمىسقا ادالدىعىمەن ەرەكشەلەنەتىن ەدى. ول ءۇشىن ەلىنىڭ جانە قوعامنىڭ مۇددەسى بارىنەن جوعارى تۇراتىن. وسىنداي قيىن ساتتە مارقۇمنىڭ جاقىندارىنا بۇكىل دەپۋتاتتىق كورپۋس پەن ءوز اتىمنان قايعىرىپ كوڭىل ايتامىن. ول كىسىلەرگە قولداۋ كورسەتىپ, جىلى ءسوزىمدى جەتكىزگىم كەلەدى. كەرەمەت ادام, سەنىمدى ارىپتەس, نيەتتەس دوس, دەپۋتات گلەب اناتولەۆيچ ششەگەلسكيدىڭ جارقىن بەينەسى ماڭگى جادىمىزدا جاڭعىرىپ تۇرادى" دەپ اتاپ ءوتتى ءماجىلىس توراعاسى نۇرلان نىعماتۋلين.
ءماجىلىستىڭ V جانە VI شاقىرىلىمىنىڭ دەپۋتاتى گلەب ششەگەلسكي بۇگىن جۇرەك تالماسىنان مەزگىلسىز قايتىس بولدى.