ايماقتىق ەكولوگيا دەپارتامەنتتەرى حالىقپەن كەرى بايلانىستى كۇشەيتەدى

كوميتەت توراعاسىنىڭ سوزىنشە  اتالعان كەزەڭدە قازاقستاندا جوعارى دەڭگەيدەگى لاستانۋ جانە 8 ەكسترەمالدى جوعارى لاستانۋ جاعدايى تىركەلگەن. ولاردىڭ 58-ءى تابيعي, 240-ى تەحنوگەندىك سيپاتتاعى لاستانۋلار. اۋانىڭ نەگىزگى لاستاۋشىلارى – سەروۆورود, شاڭ جانە قارا كۇيە. ال سۋ نىساندارىندا 210 جوعارى دەڭگەيلى, 6 ەكسترەمالدى جوعارى دەڭگەيلى لاستانۋ جاعدايلارى تىركەلىپ وتىر. وعان كليماتتىق جاعدايلار, اعىن سۋلارعا تۇسكەن تاريحي جانە وندىرىستىك شىعارىندىلار سەبەپ بولعان.

ء"بىز سۋ رەسۋرستارى مەن اتموسفەرالىق اۋانىڭ ەكولوگيالىق جاعدايىن كەشەندى تۇردە باقىلايمىز. بۇدان بولەك, "قازاقستان عارىش ساپارى" ۇلتتىق كومپانياسىمەن بىرگە مونيتورينگ جاساپ, ستيحيالى سۆالكالاردى جويامىز. سوڭعى 9 ايدا 7632 سۆالكا انىقتالىپ, ونىڭ 5752-ءنى كوزىن قۇرتتىق.  قالدىقتاردىڭ جينالۋ جاعدايلارى كوبىنە اقمولا وبلىسىندا بايقالدى. سونىمەن قاتار ىشكى ىستەر ورگاندارىمەن, ەرىكتىلەرمەن بىرگە دەمالىس اۋماقتارىندا رەيدتەر جاساپ, قۇقىقبۇزۋشىلىق وقيعالارىن تىركەدىك", دەدى زۇلپىحار جولداسوۆ.

كوميتەت توراعاسى قازىر قوعاممەن كەرى بايلانىس جولعا قويىلعانىن اتاپ ءوتتى. ەندى ازاماتتار اۋماقتىق دەپارتامەنتتەرگە رەسمي حات ارقىلى عانا ەمەس, الەۋمەتتىك جەلىلەر ارقىلى دا جۇگىنە الادى. جەدەل جەلى قوسىلعالى بەرى ستيحيالى سۆالكالارعا قاتىستى1000-عا جۋىق شاعىم تۇسكەن. جەمقورلىق قۇقىقبۇزۋشىلىق بويىنشا پروفيلاكتيكالىق جۇمىس تۇراقتى تۇردە جۇرەدى.

ەكولوگيا ءمينيسترى ماعزۇم مىرزاعاليەۆ ەكولوگيالىق باقىلاۋ جۇمىسىندا حالىقپەن كەرى بايلانىس ۇلكەن ءرول اتقاراتىنىن اتاپ ءوتتى.

"قازىر حالىقپەن اشىق, سەنىمگە قۇرىلعان ءوزارا بايلانىس قۇرۋ وتە ماڭىزدى. شىن مانىندە ءبىز بەن قوعامنىڭ مۇددەسى ءبىر: ءبارىمىز تازا اۋا, ەكولوگيالىق سۋ ءۇشىن, تابيعات جانە جانۋارلاردى قورعاۋ ءۇشىن كۇرەسەمىز. سوندىقتان جۇرتشىلىققا بارىنشا اشىق جانە الەۋمەتتىك  جەلىدە قولجەتىمدى بولىپ, ءار شاعىم-وتىنىشكە جىلدام جاۋاپ بەرىپ وتىرۋىمىز كەرەك", دەدى مينيستر.

سونىمەن بىرگە ول ءتيىمدى جۇمىس ءجۇرۋ ءۇشىن ناقتى KPI بەلگىلەپ, قىزمەت بارىسىندا سونى باسشىلىققا الۋ كەرەكتىگىن تاپسىردى.

"ناقتى ينديكاتورلار مەن وعان جەتۋ مەرزىمى كورسەتىلگەن جوسپار جاساپ, ونى باقىلاۋدا ۇستاۋ كەرەك. وزدەرىڭىز بىلەتىندەي,, قازىر ماجىلىستە جاڭا ەكولوگيالىق كودەكس جوباسى قارالىپ جاتىر. ول ەڭ ماڭىزدى ەكولوگيالىق پروبلەمالاردى شەشەتىن قۇجات. جاڭا كودەكستىڭ ماڭىزدى پۋنكتتەرىنىڭ ءبىرى – وندىرىسكە ەڭ وزىق تەحنولوگيالاردى ەنگىزۋ. دەگەنمەن ءىرى كاسىپورىندارمەن تابيعاتتى قورعاۋ شارالارى بويىنشا جۇمىستى قازىردەن باستاۋ كەرەك", دەپ اتاپ ءوتتى ماعزۇم مىرزاعاليەۆ.

مينيستر سالا قىزمەتكەرلەرىنىڭ ءجيى سەمينارلارعا قاتىسىپ, جەتەكشى ساراپشى مامانداردان ساباق الۋ ارقىلى بىلىكتىلىكتەرىن ارتتىرۋ ماسەلەسىنىڭ دە ماڭىزدى ەكەنىنە توقتالدى.