شىعىس قازاقستان وبلىسىندا 17 قازاننان 31 قازانعا دەيىن ەرەكشە شارتتارمەن شەكتەۋ شارالارى ەنگىزىلەدى, - دەپ حابارلايدى Egemen.kz
وسكەمەن, سەمەي, ريددەر, كۋرچاتوۆ قالالارى مەن اۋدانداردىڭ پەريمەترى بويىنشا شەكتەۋ شارالارىن ساقتاۋ قاجەت.
كوپشىلىك دەمالاتىن ورىندارعا (سكۆەرلەر, ساياباقتار, الاڭدار, جاعالاۋلار, سەرۋەندەۋ ايماقتارى) جەكە نەمەسە ءبىر وتباسى مۇشەلەرىن قوسپاعاندا, 3 ادامنان اسپاۋى قاجەت. ويىن-ساۋىق, سپورتتىق ءىس-شارالاردى, ميتينگىلەردى, كورمەلەردى, فورۋمداردى, كونفەرەنتسيالاردى, سونداي-اق وتباسىلىق, سالتاناتتى, ەستەلىك (بانكەتتەر, ۇيلەنۋ تويلارى, مەرەيتويلار, ەسكە الۋ) جانە باسقا دا بۇقارالىق ءىس-شارالاردى, ونىڭ ىشىندە ۇيدە وتكىزۋگە تىيىم سالىنعان. ويىن-ساۋىق مەكەمەلەرىنىڭ (كاراوكە, بيليارد, كومپيۋتەرلىك كلۋبتار, تۇنگى كلۋبتار, بوۋلينگ ورتالىقتارى, جابىق ءۇي-جايلارداعى بالالاردىڭ ويىن الاڭدارى مەن اتتراكتسيوندارى, باتۋتتار جانە ت.ب.) جۇمىستارىنا تىيىم سالىنادى. شقو پوليتسيا دەپارتامەنتى جۇمىستى جالعاستىرىپ, وسكەمەن, سەمەي قالالارىندا 402 الاڭدا (وسكەمەن قالاسى-200, سەمەي قالاسى-202) 40 ۋچاسكەلىك پوليتسيا پۋنكتىنە (وسكەمەن قالاسى – 23, سەمەي قالاسى-17) قوعامدىق ءتارتىپتى قورعاۋدى جانە باقىلاۋدى قامتاماسىز ەتۋى كەرەك.