تۇركىستان وبلىسىندا توعىز مىڭ تەڭگە كولەمىندە پارا العان سۋديا سوتتالدى, دەپ حابارلايدى Egemen.kz سىبايلاس جەمقورلىققا قارسى قىزمەتكە سىلتەمە جاساپ.
سوت ۇكىمى 14 قازاندا شىعارىلعان.
"سارىاعاش اۋدانىنىڭ مامانداندىرىلعان اكىمشىلىك سوتىنىڭ سۋدياسى سارسەمباەۆ ءۇش جىلعا باس بوستاندىعىنان ايىرىلدى.
ول اكىمشىلىك حاتتامانى تولتىرۋ كەزىندە انىقتالعان ءتارتىپ بۇزۋشىلىقتار بويىنشا قاۋلى شىعارماعانى ءۇشىن سارىاعاش اۋداندىق پوليتسيا ءبولىمىنىڭ ينسپەكتورىنان توعىز مىڭ تەڭگە كولەمىندە پارا الدى دەگەن كۇدىككە ءىلىندى", دەلىنگەن حابارلامادا.