قازاقستان ەلشىسى نۇرباح رۇستەموۆ رۋمىنيانىڭ مادەنيەت ءمينيسترى بوگدان گەورگيۋمەن كەزدەسىپ, ەكى ەل اراسىنداعى مادەنيەت سالاسىنداعى ىنتىماقتاستىقتى ودان ءارى نىعايتۋ مۇمكىندىكتەرىن تالقىلادى.
اتاپ ايتقاندا, ەلشى سۇحباتتاسىن قازاقتىڭ ۇلى اقىنى ابايدىڭ ءومىرى مەن شىعارماشىلىعىمەن تانىستىردى, سونداي-اق ءۇ.ج. 10 قىركۇيەكتە رۋمىنيانىڭ استاناسىندا ابايدىڭ ءبيۋستىنىڭ اشىلۋىنا قولداۋ كورسەتكەنى ءۇشىن ريزاشىلىعىن ءبىلدىردى.
سۇحباتتاسۋشىلار ەلشىلىكتە كونتسەرتتەردى ودان ءارى ونلاين رەجيمدە ترانسلياتسيالاۋ ءۇشىن ۇيىمداستىرۋ ماسەلەسىن, سونداي-اق قازاقستاندا ۇلى رۋمىن اقىنى ميحاي ەمينەسكۋدىڭ ولەڭدەر جيناعىن قازاق تىلىنە اۋدارۋ جانە شىعارۋ مۇمكىندىگىن تالقىلادى.
سونىمەن قاتار, تاراپتار تاقىرىپتىق مۋزەي كورمەلەرى مەن ەكسپوزيتسيالاردى وتكىزۋگە ءوزارا قىزىعۋشىلىق تانىتتى.