پاۆلوداردا زەينەتكەردى قاعىپ, وقيعا ورنىنان قاشىپ كەتكەن جۇرگىزۋشىنىڭ كىم ەكەنى انىقتالدى, دەپ حابارلايدى Egemen.kz
بۇل تۋرالى پاۆلودار وبلىسىنىڭ پوليتسيا دەپارتامەنتىنىڭ ءباسپاسوز قىزمەتى حابارلادى. پوليتسەيلەر زەينەتكەردى قاعىپ كەتكەن جۇرگىزۋشىنى جاقىن جەرلەردەگى باقىلاۋ كامەرالارى ارقىلى تاۋىپ العان.
"باقىلاۋ كامەرالارى ارقىلى كولىكتىڭ نومەرىن انىقتادىق. بازا ارقىلى ۆاز-21214 ماركالى كولىگىنىڭ يەسىن تاۋىپ, ارتىنشا وقيعا ورنىنان قاشىپ كەتكەن جۇرگىزۋشىنىڭ باعىتىن انىقتادىق. ول - 76 جاستاعى زەينەتكەر, پاۆلوداردىڭ تۇرعىنى بولىپ شىقتى", دەيدى جەرگىلىكتى پوليتسيا ءبولىمىنىڭ باسشىسى قۋانىش مۋستافينوۆ.
بۇگىندە پاۆلودارلىق تۇرعىننىڭ كولىگى ايىپ تۇراعىندا تۇر, ال جول وقيعاسى بويىنشا تەكسەرىس باستالدى.
ەسكە سالايىق, بۇگىن بەلگىسىز جۇرگىزۋشى 74 جاستاعى زەينەتكەردى قاعىپ, وقيعا ورنىنان قاشىپ كەتكەنى حابارلاندى. پوليتسيانىڭ مالىمەتىنشە, وقيعا ءماشحۇر ءجۇسىپ جانە لەرمونتوۆ كوشەلەرىنىڭ قيىلىسىندا بولعان. زەينەتكەر ايەل جولدان وتۋگە بولمايتىن جەردەن وتكەن. وقيعا ورنىنان بىردەن اۋرۋحاناعا جەتكىزىلگەن.