Apple كومپانياسى جاڭا iPhone 12 سمارتفونىنىڭ توپتاماسىن جاريالادى, دەپ حابارلايدى Egemen.kz
جاڭا iPhone 12 باعاسى 799 دوللاردان (342 760 تەڭگەدەن), ال mini 699 دوللاردان (299 861 تەڭگەدەن) باستالادى.
iPhone 12 Pro باعاسى 999 دوللاردان (428 557 تەڭگەدەن), ال 12 Pro Max 1099 دوللاردان (471 456 تەڭگەدەن) باستالادى.
باعالار 2020 جىلعى 14 قازانداعى كۋرس بويىنشا جەتكىزۋ جانە باسقا دا قوسىمشا اقىنى ەسەپكە الماي كورسەتىلگەن.
جاڭا جيىنتىقتا اداپتەر مەن قۇلاققاپ جوق. قورابىندا كابەل بار. جاڭا iPhone-دا MagSafe بار. بۇل سمارتفوننىڭ ىشىندە دوڭگەلەك ماگنيت بارىن بىلدىرەدى. ونىڭ كومەگىمەن قۇرىلعىعا قاپ جانە باسقا دا اكسەسسۋارلاردى, ءتىپتى ءامياندى دا جابىستىرۋعا بولادى.
بارلىق سەرياسى جاڭا ءموبيلدى بايلانىس ستاندارى 5G-گە قوسىلادى. iPhone 12 Pro جانە Pro Max جىلتىر, كۇمىس, گرافيت جانە كوك تۇستە بولادى. iPhone 12 قىزىل, كوك, قارا, اق جانە جاسىل تۇستە شىقتى.
ەسكە سالايىق, Apple 5G ينتەرنەتى بار جاڭا iPhone 12 سمارتفونىن ۇسىنعانى حابارلاندى.