سوتتالۋشىلاردى جەكە جۇمىسىنا جەككەن تۇرمە باستىعىنا سوت ۇكىمى شىقتى

قىلمىستىق ءىس سۋديا سايان اققوجيننىڭ توراعالىعىمەن قارالدى. 49 جاستاعى سوتتالۋشىعا قازاقستان رەسپۋبليكاسى قىلمىستىق كودەكسىنىڭ 362-بابى 4-بولىگىنىڭ "وزىنە نەمەسە وزگەلەرگە پايدا مەن ارتىقشىلىقتار الۋ ءۇشىن شەكتەن تىس بيلىك نەمەسە قىزمەتتىك وكىلەتتىكتەر" بويىنشا ايىپ تاعىلدى.

قىلمىستىق ءىستىڭ ماتەريالدارى بويىنشا, وسى جىلدىڭ مامىر ايىندا سوتتالۋشىعا ونىڭ تانىسى جاڭا پاتەرىنە جوندەۋ جۇمىستارىن جۇرگىزۋ ءۇشىن قۇرىلىسشىلار بريگاداسىن تابۋدى سۇراعان.

سول ۋاقىتتا اك-159/1 باسشىسى قىزمەتىن اتقارعان سوتتالۋشى ءوزىنىڭ ءىس-ارەكەتىنىڭ زاڭسىزدىعىن بىلە تۇرا, جوندەۋ جۇمىستارىنا قۇرىلىس جۇمىستارىندا تاجىريبەسى بار ءۇش سوتتالعاننىڭ كومەگىمەن جۇرگىزۋگە شەشىم قابىلداعان. ول ءۇشىن مەكەمە جۇرگىزۋشىسىنە جانە تەولوگقا سوتتالۋشىلاردى مەكەمەگە دەيىن جەتكىزىپ, قايتا تەرگەۋ يزولياتورىنا اپارۋعا بۇيرىق بەرىپتى.

سوتتالۋشىلار پاتەردە 5-9 مامىردا جۇمىس ىستەگەن. 9 مامىردا تاڭەرتەڭ ولاردى سول جەردەن قاراعاندى ​​وبلىسى پوليتسيا دەپارتامەنتىنىڭ ىشكى قاۋىپسىزدىك ءبولىمىنىڭ قىزمەتكەرلەرى تاۋىپ الىپتى. بۇل فاكت بويىنشا قىزمەتتىك تەرگەۋ جۇرگىزىلىپ, ونىڭ بارىسىندا سوتتالۋشى مەن بىرقاتار قىزمەتكەرلەر جۇمىستان شىعارىلدى.