الەمنىڭ ۇزدىك فۋتبولشىلارىنىڭ ءبىرى, تۋريندىك "يۋۆەنتۋس" پەن پورتۋگاليا قۇراماسىنىڭ شابۋىلشىسى كريشتيانۋ رونالدۋ كوروناۆيرۋس جۇقتىردى. بۇل تۋرالى پورتۋگاليا فۋتبول فەدەراتسياسى ءمالىم ەتتى, دەپ حابارلايدى Egemen.kz.
بۇعان دەيىن "يۋۆەنتۋستىڭ" بىرنەشە فۋتبولشىسى كوروناۆيرۋسپەن اۋىرعان بولاتىن.
قازىر رونالدۋ وقشاۋلانۋعا جىبەرىلدى, ازىرگە ول ۇلتتار ليگاسىنىڭ ماتچتارىندا ۇلتتىق قۇرامادا وينامايدى.
سوڭعى ەكى اپتادا ەۋروپادا كوروناۆيرۋستىق ينفەكتسيانىڭ ەكىنشى تولقىنى بايقالدى. اۋرۋ جاعدايلارى ا سەرياسىنىڭ بىرنەشە كلۋبتارىندا انىقتالدى.