وڭىرلىك كوممۋنيكاتسيالار الاڭىندا وتكەن ونلاين-بريفينگ بارىسىندا الماتى قالاسىنىڭ كاسىپكەرلەر پالاتاسىنىڭ ديرەكتورى ناريمان ابىلشايىقوۆ الماتىلىق بيزنەسمەندەردى سانيتارلىق نورمالاردى قاتاڭ ساقتاۋعا جانە كەلۋشىلەر مەن قىزمەتكەرلەردىڭ دەنساۋلىعىنا قاۋىپ توندىرمەۋگە شاقىردى, دەپ حابارلايدى Egemen.kz.
ن. ابىلشايىقوۆتىڭ ايتۋىنشا, تج رەجيمىنىڭ ەنگىزىلۋىنە جانە كارانتينگە بايلانىستى ەكونوميكانىڭ كوپتەگەن سالالارىنا ءالى دە تىيىم ساقتالىپ وتىر. مىسالى, بۇل كينويندۋستريا جانە ويىن-ساۋىق سالالارى. بيزنەستىڭ كەيبىر تۇرلەرى ماڭىزدى شەۋتەۋلەرمەن جۇمىس ىستەپ جاتىر. بۇل تۋريزم, قوناق ءۇي بيزنەسى, قوعامدىق جالپى تاماقتانۋ ورىندارى انە باسقالارى.
«ەپيدەميالىق جاعداي قيىنداپ كەلەدى. الماتى قالاسىندا كوروناۆيرۋس ينفەكتسياسىمەن اۋىرعاندار سانى كوبەيۋدە. كورسەتكىش 13 قازان كۇنى 14 مىڭنان استام ادامدى قۇرادى», — دەپ حابارلادى پالاتا ديرەكتورى. الماتى قالاسىنىڭ اكىمدىگى جۇرگىزگەن مەگاپوليستەگى ەپيدەميالىق جاعدايدىڭ تالداۋىنا سايكەس, COVID-19 جاعدايلارىنىڭ كوبەيۋىنىڭ ەكى سەبەبى بار — ۆيرۋستىڭ شەتەلدەن كەلۋى جانە قالا تۇرعىندارىنىڭ سانيتارلىق قاۋىپسىزدىك شارالارىن ساقتاماۋى. سونىمەن بىرگە, الماتىنىڭ باس سانيتار دارىگەرىنىڭ قاۋلىسىنىڭ تالاپتارىن ساقتامايتىن جەكە بيزنەس سۋبەكتىلەرى بار. وسى جىلدىڭ 5 شىلدەسىنەن 9 قازانعا دەيىنگى ارالىقتا الماتىدا اكىمشىلىك قۇقىقبۇزۋشىلىقتار تۋرالى 4 مىڭعا جۋىق حاتتاما تولتىرىلعان. ونىڭ ىشىندە نىساندارعا 109 ملن تگ 1200 ايىپپۇل سالىنىپ, جەكە تۇلعالارعا 125 ملن تگ 2600-دەن استام حاتتاما تولتىرىلعان. رەسپۋبليكا بويىنشا كورسەتىلگەن مەرزىمدە 894 ملن تگ شامامەن 16 مىڭ حاتتاما تولتىرىلدى, سونىمەن بىرگە, 307 ملن تگ جەكە تۇلعالارعا ايىپپۇل سالىندى.
وسىعان بايلانىستى, الماتى قالاسىنىڭ كاسىپكەرلەر پالاتاسى پاندەميا جانە جۇقتىرۋدىڭ جاڭا تولقىنىنىڭ قاۋپىنە بايلانىستى بيزنەسمەندەردى قاۋىپسىزدىك شارالارىنىڭ تالاپتارىن مۇلتىكسىز ساقتاۋعا شاقىرادى.
«قىزمەتشىلەر مەن كەلۋشىلەردىڭ دەنە قىزۋىن ولشەۋ, الەۋمەتتىك اراقاشىقتىق پەن ماسكا تاعۋ رەجىمىن ساقتاۋدى قامتاماسىز ەتۋ, ءۇي-جايلاردى جەتكىلىكتى مولشەردە سانيتايزەرلەرمەن جاراقتاندىرۋ, بولمەلەردى جەلدەتۋ قاجەت. مەكەمەلەرگە كەلۋشىلەردى, سونىمەن قاتار مەگاپوليستىڭ ءاربىر تۇرعىنىن ماسكا تاعۋ رەجىمىن, الەۋمەتتىك اراقاشىقتىقتى, جەكە گيگيەنا تالاپتارىن ساقتاۋعا شاقىرامىز. بۇل تالاپتى, اسىرەسە, ەگدە ادامدار, بالالار, سوزىلمالى اۋرۋى بار, يممۋنيتەتى تومەن ادامدار ۇستانۋى قاجەت», — دەدى وز سوزىندە ن. ابىلشايىقوۆ.
كارانتين تالاپتارىن بۇزعانى ءۇشىن جەكە تۇلعالارعا 30 اەك مولشەرىندە, شاعىن كاسىپكەرلىك سۋبەكتىلەرى ءۇشىن 230 اەك, ورتا كاسىپكەرلىك ءۇشىن — 310 اەك, ءىرى كاسىپكەرلىك سۋبەكتىلەرى ءۇشىن 1600 اەك مولشەرىندە ايىپپۇل قاراستىرىلعان.