بۇگىنگى تاڭدا ەل وڭىرلەرىنە 866 (58%) وكپەنى جاساندى جەلدەتۋ ء(وجج) اپپاراتى جەتكىزىلدى. سونداي-اق, 494 داناسى (33 %) ءتيىستى جەرلەرىنە جىبەرىلىپ, 140 اپپارات (9 %) دايىن تۇر, دەپ حابارلايدى Egemen.kz
اپپاراتتاردىڭ بارلىعىن بيىلعى 15 قازانعا دەيىن جەتكىزىپ, ىسكە قوسۋ جوسپارلانعان.
قازاقستاندا مەملەكەتتىڭ قاتىسۋىمەن "قازاقستان اسەلسان ينجينيرينگ" جشس (نۇر-سۇلتان قالاسى) جانە "تىنىس" اق (كوكشەتاۋ قالاسى) كاسىپورىندارى وكپەنى جاساندى جەلدەتۋ اپپاراتىن شىعارادى.
بۇل كاسىپورىندار - "قازاقستان ينجينيرينگ" ۇلتتىق كومپانياسىنىڭ ەنشىلەس ۇيىمدارى.
كوروناۆيرۋس پاندەمياسىنا بايلانىستى ەلدە قالىپتاسقان ەپيدەميولوگيالىق جاعدايعا وراي ءوجج اپپاراتتارىنىڭ جەتىسپەۋشىلىگىن ەسكەرىپ, "قازاقستان اسەلسان ينجينيرينگ" جشس قىسقا ۋاقىت ىشىندە وكپەنى جاساندى جەلدەتەتىن ستاتسيونارلىق اپپاراتتار ءوندىرىسىن يگەردى.
ال "تىنىس" اق "كوكشەتاۋ-4پ" ءوجج 680 ءموبيلدى اپپاراتىن شىعارىپ, مەديتسينالىق مەكەمەلەرگە جەتكىزدى.
مەديتسينا ماماندارىنىڭ پىكىرىنشە, ءوجج اپپاراتى قولدانۋعا ىڭعايلى, سەنىمدى جانە ەلەكتر قۋاتىنا تاۋەلدى ەمەس. كاسىپورىننىڭ وندىرىستىك قۋاتى ايىنا 500 ءوجج اپپاراتىن شىعارۋعا جەتەدى.
ودان بولەك, "تىنىس" اق "كوكشەتاۋ 3" ءوجج ءپورتاتيۆتى اپپاراتتارىن, سونداي-اق مەديتسينالىق بۇيىمداردىڭ ءتۇرلى نومەنكلاتۋراسىن, ونىڭ ىشىندە كوپ رەتتىك بەتپەردەلەردى, مۇگەدەكتەرگە ارنالعان اربالاردى جانە ت.ب. شىعارادى.
بۇل كاسىپورىنداردىڭ نەگىزگى قىزمەتى قازاقستان رەسپۋبليكاسىنىڭ جانە وزگە دە ەلدەردىڭ قارۋلى كۇشتەرىنىڭ قاجەتتىلىكتەرى ءۇشىن جوعارى تەحنولوگيالىق ونىمدەر شىعارۋعا باعىتتالعان. ال ءوجج اپپاراتى ءوندىرىسى مەديتسينالىق مەكەمەلەردىڭ قاجەتتىلىكتەرى ءۇشىن مەملەكەتتىك تاپسىرىس اياسىندا جولعا قويىلدى.
كاسىپورىندار قوسىمشا قاجەتتىلىك تۋىنداعان جاعدايدا مەديتسينالىق تەحنيكا مەن كەز كەلگەن ءونىمدى قاجەت مولشەردە ءوندىرىپ, جەتكىزە الادى.