ەلوردالىق تۇرعىن وسى جىلى 98 رەت جول ەرەجەسىن بۇزعان, دەپ حابارلايدى Egemen.kz جەكە سوت ورىنداۋشىلار پالاتاسىنا سىلتەمە جاساپ.
ۇيىمنىڭ مالىمەتىنشە, قالادا "بورىشكەر" رەيدى جۇرگىزىلىپ جاتىر ەكەن. شارانىڭ ماقساتى - مەملەكەتكە قارىزى بار ازاماتتاردى انىقتاۋ.
"رەيد ناتيجەسىن بەرىپ جاتىر. تەكسەرىس بارىسىندا وسى جىلى ءبىر تۇرعىنعا 98 ايىپپۇل سالىنعانى انىقتالدى. جول قوزعالىسى ەرەجەسىن بۇزعانى ءۇشىن وعان 1,8 ميلليون تەڭگە كولەمىندە ايىپپۇل سالىنعان. وسىعان بايلانىستى 2009 جىلى شىعارىلعان BMW 750 Li كولىگى ارنايى ايىپپۇل تۇراعىنا قويىلدى. كەيىن بورىشكەر ايىپپۇلدى تولەدى", - دەيدى جەكە سوت ورىنداۋشىلار پالاتاسى توراعاسىنىڭ ورىنباسارى ءمادينا جاناساەۆا.
ونىڭ ايتۋىنشا, تۇرعىندا 98 ايىپپۇلدان باسقا, ەكىنشى دەڭگەيلى بانكتەردىڭ بىرىندە قارىزى بولعان.