ۇلتتىق مۋزەيدە مۇعالىمدەر كۇنىنە وراي نۇر-سۇلتان جانە الماتى قالالارىنىڭ مەكتەپكە دەيىنگى جەتەكشى ۇيىمداردىڭ قاتىسۋىمەن «بالاباقشا – بولاشاققا باستار جول» اتتى فوتوكورمە ءوتتى.
سان ءتۇرلى سۋرەتكە تولى كەلەلى شارانىڭ شىمىلدىعى ۇلتتىق مۋزەيدىڭ ەكسكۋرسيالىق جۇمىستار, مۋزەي پەداگوگيكاسى جانە زالداردى ساقتاۋ قىزمەتىنىڭ باسشىسى جانار بەيىسوۆا سوزىمەن ءتۇرىلدى.
– بۇگىنگى كورمە ەلىمىزدەگى مەكتەپكە دەيىنگى ۇيىمداردىڭ ماڭىزدىلىعىن كورسەتەدى. بالدىرعاندارعا تاربيە بەرۋدە پەداگوگتەردىڭ ءرولى جوعارى. ولاردىڭ ەڭبەگىنە باعا جەتپەيدى. وسى رەتتە اتالعان كورمە مۇعالىمدەر كۇنىنە وراي ۇيىمداستىرىلىپ وتىر. كورمەگە قويىلعان جۇمىستاردان كىشكەنتاي بالاپاندارىمىز بەن ولاردىڭ تاربيەشىلەرىنىڭ بالاباقشاداعى ومىرلەرىن كورە الامىز, – دەدى ج.بەيىسوۆا.
فوتوكورمەگە 200-گە جۋىق فوتوسۋرەت قويىلعان. ولار – بالالاردىڭ, تاربيەشىلەردىڭ, پەداگوگتەردىڭ جانە نۇر-سۇلتان قالاسى بالاباقشالارى باسشىلارىنىڭ جارقىن, قىزىقتى جانە مازمۇندى ومىرلەرىنىڭ اسەرلى يلليۋستراتسيالارى.
شارا بارىسىندا قاتىسۋشىلار ۇيىمداستىرۋشىلارعا العىس ايتتىپ, مۇنداي ماڭىزدى كەزدەسۋلەر ءجيى ءوتىپ تۇرسا دەگەن ىزگى تىلەگىن جولدادى.
– سۋرەتتەردى ءتۇسىرۋ بارىسىندا بالالار مەن تاربيەشىلەردىڭ قارىم-قاتىناسى جايىندا, بالالارعا قانشالىقتى كوڭىل بولىنەتىندىگى, كارانتين كەزىندە بالاباقشاعا كەلەتىن بالالاردىڭ ازدىعىنا قاراماستان, ولارعا تولىققاندى جاعداي جاسالاتىندىعىن بايقادىم. بۇگىنگى كورمەگە 40-قا جۋىق جۇمىسىم قويىلدى. بۇعان دەيىن دە بىرنەشە فوتوكورمەگە قاتىستىم. بالالارمەن جۇمىس ىستەگەن وتە قاتتى ۇنادى, – دەيدى فوتوگراف مارات ءامىروۆ.
ايتا كەتەيىك, ءىس-شارانىڭ قورىتىندىسى بويىنشا وسى جوباعا قاتىسقان بالاباقشالار مەن ولاردىڭ مەڭگەرۋشىسى تۋرالى فوتوسۋرەتتەر جانە اقپاراتتى قامتيتىن جالپى كاتالوگ-جۋرنال شىعارىلادى.