ۇلى ابايدىڭ تۋعانىنا 175 جىل تولۋىنا وراي, كوكشەتاۋداعى دارىندى بالالارعا ارنالعان №3 وبلىستىق مامانداندىرىلعان مەكتەپ-ينتەرناتقا دانىشپان اقىن ەسىمى بەرىلىپ, اباي اللەياسى اشىلدى, دەپ حابارلايدى Egemen.kz.
وبلىسىمىزدا اباي قۇنانباەۆتىڭ 175 جىلدىعىنا وراي مىڭنان استام ءىس-شارا ۇيىمداستىرىلدى. جىل باسىنان بەرى بارلىق ءبىلىم بەرۋ ۇيىمدارىندا اقىن مەرەيتويىنا ارنالعان ونكۇندىكتەر وتكىزىلۋدە. وبلىستىڭ 23 مەكتەبىندە "اباي ەلىنە ساياحات" كلۋبتارى اشىلعان. اقىن مۇراسىن زەرتتەۋ بويىنشا "اباي الەمى" ادەبي جوباسى جۇزەگە اسىرىلۋدا. اقجارىلقاپ جيىنعا قاتىسۋشىلار الدىندا وبلىس اكىمى ەرمەك مارجىقپاەۆ قۇتتىقتاۋ ءسوز سويلەدى.
"مەملەكەت باسشىسى قاسىم-جومارت توقاەۆ "اباي جانە XXI عاسىرداعى قازاقستان" اتتى ماقالاسىندا ۇلى اقىننىڭ شىعارمالارى بۇگىن دە وزەكتىلىگىن جوعالتپاعانىن, ابايدىڭ وي-تۇجىرىمدارى بارشامىزعا قاشاندا رۋحاني ازىق بولا الاتىنىن, سوندىقتان, ۇلتىمىزدى جاڭعىرتۋ ىسىندە ونىڭ ەڭبەكتەرىن باسشىلىققا الىپ, ۇتىمدى پايدالانۋىمىز كەرەكتىگىن اتاپ ءوتتى. وبلىسىمىزدىڭ ەكى مەكتەبىنە ءال-فارابي مەن اباي ەسىمدەرى بەرىلدى", دەي كەلە, وبلىس اكىمى ءبىلىم وشاعىنىڭ ۇجىمىن مەكتەپكە اباي ەسىمىن بەرۋ وقيعاسىمەن جانە ابايدىڭ 175 جىلدىق مەرەيتويىمەن قۇتتىقتاپ, تولايىم تابىس تىلەدى.
جينالعان جۇرتشىلىق اقىن اللەياسىنا شىرشا كوشەتتەرىن وتىرعىزدى. ءدال ورتادا ۇلى ءابايدىڭمارمار تاستان سومدالعان الىپ كىتابى. اللەياعا كەلگەن جۇرت اقىن رۋحىمەن سىرلاسىپ, ءمۇراسىناتاۋ ەتپەك. مەكتەپ ديرەكتورى دانا ىسقاقوۆا ءبىلىم وشاعىنىڭ اباي ەسىمىن ۇلىقتايتىندىعىن جەتكىزدى. اقىن قۋانىش وسپانوۆ ارناۋ ولەڭىن وقىپ بەردى.
ۇلىنىڭ ۇلاعاتى ۇرپاعىنا ونەگە بولسا, عاجاپ ەمەس پە؟!
كوكشەتاۋ قالاسى