بۇگىندە ەلىمىزدە جۇزەگە اسىرىلىپ جاتقان ءتيىمدى مەملەكەتتىك باعدارلامالاردىڭ ءبىرى – «قولجەتىمدى باسپانا-2020» ەكەنى بەلگىلى. ال ونىڭ نەگىزگى قارجىلىق وپەراتورلارىنىڭ ءبىرى – «قازاقستان يپوتەكالىق كومپانياسى» يۇ» اق بولىپ تابىلادى.
قازاقستان يپوتەكالىق كومپانياسى – باعدارلامادا «ساتىپ الۋ قۇقى مەن جالعا بەرىلەتىن تۇرعىن ۇيلەر» باعىتىنىڭ وپەراتورى. بۇل كومپانيا قاراپايىم حالىققا تۇرعىن ۇيلەردى جالعا الۋ ارقىلى دا ءوز مەنشىگىنە وتكىزۋگە مۇمكىندىك بەرەدى.
بۇگىندە ەلىمىزدە جۇزەگە اسىرىلىپ جاتقان ءتيىمدى مەملەكەتتىك باعدارلامالاردىڭ ءبىرى – «قولجەتىمدى باسپانا-2020» ەكەنى بەلگىلى. ال ونىڭ نەگىزگى قارجىلىق وپەراتورلارىنىڭ ءبىرى – «قازاقستان يپوتەكالىق كومپانياسى» يۇ» اق بولىپ تابىلادى.
قازاقستان يپوتەكالىق كومپانياسى – باعدارلامادا «ساتىپ الۋ قۇقى مەن جالعا بەرىلەتىن تۇرعىن ۇيلەر» باعىتىنىڭ وپەراتورى. بۇل كومپانيا قاراپايىم حالىققا تۇرعىن ۇيلەردى جالعا الۋ ارقىلى دا ءوز مەنشىگىنە وتكىزۋگە مۇمكىندىك بەرەدى.كومپانيا قازاقستاندىقتاردىڭ تۇرعىن ءۇي ماسەلەلەرىن شەشۋگە قاجەتتى قاراجاتتىڭ بەلگىلى ءبىر بولىگىن مەملەكەتتەن الادى. بۇعان دەيىن كومپانيا جەرگىلىكتى اتقارۋ ورگاندارىمەن جانە ءوز ەنشىلەس ۇيىمى «قازاقستان تۇرعىن ءۇي-قۇرىلىس كورپوراتسياسى» اق-پەن بىرلەسە وتىرىپ, ايماقتاردا جەر تەلىمدەرىن ءبولۋ, جوبالاۋ-زەرتتەۋ جۇمىستارىن جۇرگىزۋ ءۇشىن كونكۋرستىق قۇجاتتاردى دايىنداۋ, جوبالاردى جانە جوبالىق-سمەتالىق قۇجاتتامالاردى, سونىمەن بىرگە قۇرىلىس-مونتاج جۇمىستارىن جۇرگىزۋگە ەگجەي-تەگجەيلى جوسپارلاۋدى ازىرلەۋ بويىنشا ءىس-شارالار جۇرگىزگەن بولاتىن. قازىرگى تاڭدا الماتى, قاراعاندى, شىمكەنت قالالارىندا تۇرعىن ءۇي-قۇرىلىسىن سالۋ جۇمىستارى باستالدى. الماتىدا «العاباس» شاعىن اۋدانىندا جايلىلىعى 4-ءشى ساناتتاعى 2 توعىز قاباتتى تۇرعىن ءۇي سالىنۋدا. بۇگىندە قۇرىلىس الاڭىندا ەكىنشى قاباتتىڭ بەتونىن قۇيۋ دەڭگەيىندە جۇمىستار جۇرگىزىلۋدە. ال قاراعاندىداعى 12, 14, 15-شاعىن اۋدانداردا ورنالاسقان جايلىلىعى 4-ءشى ساناتتاعى 3 بەس قاباتتى تۇرعىن ءۇي-قۇرىلىسى باستالدى. بۇگىندە قۇرىلىستىڭ ىرگەتاسى قۇيىلىپ, جەردى ازىرلەۋ جۇمىستارى قارقىن العان. شىمكەنتتە جايلىلىعى 4-ءشى سانات دەڭگەيىندەگى 8 توعىز قاباتتى تۇرعىن ءۇي قۇرىلىسى «ءنۇرسات» شاعىن اۋدانىندا باستالدى. قازىر ول جەردە دە قۇرىلىستىڭ ىرگەتاسى قالانىپ, بارلىق قاجەتتى شارۋالار قولعا الىندى.
– باستاپقى كەزەڭدەردە قۇرىلىستىڭ ءبىر شارشى مەترىنىڭ ورتاشا قۇنى 100 مىڭ تەڭگەنى قۇرايدى. ول باعا تۇرعىن ءۇيدىڭ ورنالاسقان اۋماقتارىنا, سەيسميكالىق ەرەكشەلىكتەرىنە بايلانىستى ءوزگەرۋى مۇمكىن. بۇل بويىنشا جالعا الۋشىلار 15 جىل بويى ءبىر شارشى مەتر ءۇشىن 1 مىڭ تەڭگە كولەمىندە جالعا الۋ تولەمىن تولەپ وتىرادى. جالعا بەرىلەتىن پاتەرلەردىڭ جايلىلىعى 3-4 ساناتتى قۇرايتىن تۇرعىن ۇيلەردىڭ اۋماعى 35 پەن 75 شارشى مەتر (1 مەن 4 بولمەلى) ارالىعىندا بولادى, – دەيدى «قازاقستان يپوتەكالىق كومپانياسى» اق باسقارما توراعاسىنىڭ ورىنباسارى بولات دوسمۇحامەتوۆ.
ال ساتىپ الۋ قۇقىعىمەن جالعا بەرۋ تالاپتارى ءوز الدىنا بولەك اڭگىمە. ماسەلەن, ساتىپ الۋ قۇقىعىمەن تۇرعىن ءۇي 15 جىلعا جالعا بەرىلەدى, سودان كەيىن ول ءۇي جالعا الۋشىنىڭ مەنشىگىنە وتەدى. ەكىنشىدەن, پاتەرگە كوشىپ كەلۋ الدىندا مىندەتتى تۇردە ەڭ الدىمەن التى ايلىق جالداۋ كولەمىن تولەۋى ءتيىس. سونداي-اق, جالعا بەرىلەتىن تۇرعىن ءۇيدى 10 جىلدان كەيىن قالعان سوماسىنا قاراي ساتىپ الۋىنا بولادى. تابىسى جەتكىلىكسىز بولعان جاعدايدا جاقىن تۋىستارىنىڭ دا ايلىعى ەسەپتەلىنىپ, ولار دا كومەكتەسە الادى. اعىمداعى قارجىلىق جاعدايىنا بايلانىستى ۇلكەن نەمەسە شاعىن الاڭى بار تۇرعىن ۇيلەرگە اۋىسا الادى. ياعني, ەگەر باستاپقى كەزدە ايلىق جالاقىسى جاقسى بولىپ, ءتورت بولمەلى ءۇيدى الاتىن بولسا, الايدا كەيىن قارجىلىق جاعدايىنا بايلانىستى اي سايىنعى جالداۋ تولەماقىسىن تولىق تولەي المايتىن بولسا, ەكى بولمەلى پاتەرگە اۋىسىپ كەتۋىنە مۇمكىندىك بار. ءدال سول سەكىلدى ەكى بولمەلى پاتەردە تۇرىپ, كەيىن ايلىعى وسسە, وندا ءتورت بولمەلى پاتەرگە اۋىسۋىنا بولادى. جالعا الۋ قۇقىعىن ءۇشىنشى تۇلعاعا بەرۋ مۇمكىندىگى دە قاراستىرىلعان دەيدى ماماندار. بىرەۋ جۇمىسىنان شىعىپ كەتۋى مۇمكىن, ەندى بىرەۋ وتباسىلىق جاعدايىنا بايلانىستى باسقا قالاعا كوشۋگە ءماجبۇر بولاتىن جاعداي كەزدەسەدى, مۇنداي جاعدايدا جالعا العان ۇيدەگى تولەمدەر كۇيىپ كەتپەسى ءۇشىن ونى باسقا ادامعا وتكىزۋىنە قۇقى بار.
ب.دوسمۇحامەتوۆ بىزبەن اڭگىمەسىندە «قولجەتىمدى باسپانامەن» جالعا ءۇي الۋ ءۇشىن تۇرعىنداردىڭ ايلىق جالاقىسى قانشا بولۋى كەرەكتىگى جونىندە دە اقپاراتتارمەن ءبولىستى. – ءبىز 1,2,3,4, بولمەلى پاتەرلەر سالامىز. ورتاشا اۋماق 50 شارشى مەتر بولادى. سوندا ءار شارشى مەترىن 100 مىڭ تەڭگەدەن دەپ ەسەپتەسەك, بۇل 5 ميلليون تەڭگە شىعادى. دەمەك, جالعا الۋدىڭ اي سايىنعى تولەمى 50 مىڭ تەڭگەنى قۇرايدى. بىلايشا ايتقاندا, پاتەردىڭ جالپى اۋدانى 40 شارشى مەتر بولسا, اي سايىن 40 مىڭ, 70 شارشى مەتر (4 بولمە) بولسا, 70 مىڭ تەڭگە تولەپ تۇراسىز. تاعى قايتالاپ ايتامىن, جالعا بەرۋ مەرزىمى اياقتالعان سوڭ (15 جىل), پاتەر جالعا الۋشىنىڭ مەنشىگىنە وتەدى. بۇل جەردە جالعا الۋشى ازامات 15 جىلدىڭ اياقتالۋىن سوڭىنا دەيىن سارعايا كۇتپەۋىنە بولادى: 10 جىل جالعا العاننان كەيىن ول پاتەردى قالعان قۇنى بويىنشا مەرزىمىنەن بۇرىن ساتىپ الۋ قۇقىن يەلەنەدى, – دەيدى ول.
بۇل باعدارلاما بويىنشا تۇرعىن ۇيلەرگە مۇقتاج ازاماتتاردىڭ تىزىمىنە كىرۋ جانە ولار بويىنشا قۇجاتتاردى قابىلداۋ جەرگىلىكتى اتقارۋشى ورگاندارمەن جۇزەگە اسىرىلادى. بۇرىننان مەملەكەتتىك تۇرعىن ءۇي باعدارلاماسى بويىنشا ءۇي كەزەگىندە تۇرىپ, الايدا, باسپانا الا الماي قالعان وتباسىلاردى «قولجەتىمدى باسپانامەن» جالعا ءۇي الۋىنا ىلىكتىرىپ وتىر. دەمەك, اكىمدىك ولارعا بۇرىنعى ۇيگە مۇقتاج ازاماتتاردىڭ ءتىزىمىن بەرەدى. ال كومپانيا سولاردىڭ ىشىندەگى ازاماتتاردىڭ كرەديتتىك احۋالىن قاراپ, تولەم قابىلەتىن ساراپتايدى. ەگەر جالعا الۋشىنىڭ ايلىق جالاقىسى جەتپەسە, وندا ونىڭ جاقىن تۋىستارى كومەككە كەلە الادى, ولاردىڭ دا جالاقىسىن ەسەپتەپ, تولەم قابىلەتىنىڭ ءمۇمكىندىگىن تەكسەرەدى. بۇل جەردە ەڭ ءبىرىنشى تالاپ – جالعا ءۇي الاتىن ادامنىڭ اتىندا ءۇي بولماۋى ءتيىس. ايتپەسە, ونسىز دا بەس-التى ءۇيى بارلار جالعا تاعى ءۇي الىپ, ونى باسقالارعا جالعا بەرۋى عاجاپ ەمەس. سوندىقتان, وسىنداي كەلەڭسىزدىكتەر بولماس ءۇشىن تەك شىنايى باسپاناعا مۇقتاج جاندارعا عانا ءۇي بەرىلۋى ءتيىس. باعدارلامانىڭ نەگىزگى تالابى – وسى. بۇل جەردە نەگىزى جالعا ءۇي الۋ ءۇشىن ءوتىنىش بەرۋشىنىڭ جانە ونىڭ وتباسى مۇشەلەرىنىڭ مەنشىك قۇقىعىندا ءۇيىنىڭ بولماۋى جونىندە انىقتاما كەرەك. ەگەر ولاردىڭ باسىندا باسپانا بولاتىن بولسا, وندا ول ادىلەت مينيسترلىگى اۋماقتىق ورگانىنىڭ بەرگەن انىقتاماسىندا انىق كورىنىپ تۇرادى. سونداي-اق, تۇرعىن ءۇيدى جالعا الۋعا لايىقتى ازاماتتاردىڭ باسىم قۇقىق بەرىلگەن ارنايى ساناتتارى بەلگىلەنگەن. ماسەلەن, مەملەكەتتىك قىزمەتشىلەر, بيۋدجەتتىك ۇيىمداردىڭ قىزمەتكەرلەرى, كوپبالالى وتباسىلار, تولىق ەمەس وتباسىلار, تاعى دا باسقا ازاماتتار جاتادى.
تولىق اقپاراتتى «قازاقستان يپوتەكالىق كومپانياسى» يۇ» اق رەسمي سايتىنان نەمەسە +7(727)3441222 تەلەفون بويىنشا حابارلاسىپ الۋىڭىزعا بولادى.
دينارا بىتىكوۆا,
«ەگەمەن قازاقستان».