بۇل تۋرالى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, قازاقستان رەسپۋبليكاسى جوعارى وقۋ ورىندارى رەكتورلارى كەڭەسىنىڭ توراعاسى ەرلان سىدىقوۆ بۇگىن ورتالىق كوممۋنيكاتسيالار قىزمەتىندە "جوعارى ءبىلىم بەرۋ ساپاسىن ارتتىرۋ" تاقىرىبىندا وتكەن ءباسپاسوز-بريفينگىندە ايتتى, دەپ حابارلايدى Egemen.kz.
"كادرلاردى دايارلاۋ ساپاسىن جۇمىس بەرۋشى نەگىزگى تۇتىنۋشى رەتىندە ايقىنداۋعا ءتيىس, ەگەر ول قاناعاتتاندىرىلماسا, وندا بۇل جوو-نى ليتسەنزيا بەرگەن (بعم) تاراپ نەعۇرلىم مۇقيات تەكسەرىپ, سودان كەيىن عانا بارىپ ليتسەنزيالاردى قايتارىپ الۋعا نەگىز بولادى", - دەدى سپيكەر.
ەرلان سىدىقوۆتىڭ ايتۋىنشا, جوو قىزمەتىنىڭ ساپاسىن باعالاۋدىڭ تاعى ءبىر قۇرالى ينستيتۋتسيونالدىق اككرەديتتەۋ بولىپ تابىلادى.
"ەگەر جوو اككرەديتتەلگەن بولسا, ال بعم تاراپىنان جوسپارلى نەمەسە جوسپاردان تىس تەكسەرۋ بارىسىندا ەلەۋلى كەمشىلىكتەر تابىلسا, وندا اگەنتتىكتى اككرەديتتەۋ ورگاندارىنىڭ ۇلتتىق تىزىلىمىنەن شىعارۋ تۋرالى ماسەلە زاڭدى تۇردە قويىلۋى ءتيىس. ايتپەسە, ەگەر ول وبەكتيۆتى باعا بەرمەسە, بۇل پروتسەدۋرا نەگە قاجەت؟", - دەدى ەۇۋ رەكتورى.
سونداي-اق سپيكەر جوعارى وقۋ ورىندارىن وڭتايلاندىرۋ باسەكەلەستىكتى ارتتىراتىنىنا توقتالدى.
"جوعارى وقۋ ورىندارىنىڭ سانىن قىسقارتۋ تالاپكەرلەر مەن پوق اراسىندا باسەكەلەستىكتىڭ ارتۋىنا, ودان ءارى ءبىلىم بەرۋ ساپاسىنىڭ جانە جالپى باسەكەگە قابىلەتتىلىكتىڭ ارتۋىنا الىپ كەلەدى. ال ديپلومداردى "باسىپ شىعارۋ", ەل پرەزيدەنتى اتاپ وتكەندەي, جوعارى ءبىلىمنىڭ دەۆالۆاتسياسىنا اكەلۋى مۇمكىن", - دەدى قازاقستان رەسپۋبليكاسى جوعارى وقۋ ورىندارى رەكتورلارى كەڭەسىنىڭ توراعاسى.