يران مەن اتوم ەنەرگياسى جونىندەگى حالىقارالىق اگەنتتىك (ماگاتە) ءوزارا كەلىسىمگە كەلىپ, الداعى ۋاقىتتا بىرلەسە جۇمىس ىستەمەك. بۇل تۋرالى euronews حابارلادى.
تەگەراندا ءىس-ساپارمەن جۇرگەن اتالعان اگەنتتىكتىك باسشىسى يۋكيا امانونىڭ ايتۋىنشا, ءوزارا ۋاعدالاستىق اياسىندا قانداي جۇمىستار اتقارىلاتىنى الداعى 3 ايدىڭ ىشىندە پىسىقتالماق.
يران اتوم ەنەرگياسى ۇيىمىنىڭ باسشىسى ءالي اكبار سالەحي بۇل كەلىسىمگە وڭ باعا بەردى.
وسى ەكى جاقتى كەلىسىمنىڭ ناتيجەسىندە ماگاتە ينسپەكتورلارى يراننىڭ اتوم رەاكتورلارى ورنالاسقان اراك قالاسى مەن ۋران وندىرەتىن گاچين كاسىپورنىنا كىرۋگە تەگەران تاراپىنان رۇقسات الدى. بۇعان دەيىن اراك قالاسى مەن گاچين رۋدنيگىنە ءبىر دە ءبىر ماگاتە ينسپەكتورلارى جىبەرىلمەپتى.
ءدال وسى قارساڭدا جەنەۆادا يراننىڭ يادرولىق باعدارلاماسىنا بايلانىستى يران مەن «التىلىقتىڭ» كەزەكتى جيىنى ءوتتى. الايدا, بۇل باسقوسۋدا تاراپتار ءوزارا كەلىسىمگە قول جەتكىزە المادى. سوندىقتان يران مەن «التىلىقتىڭ» كەزدەسۋى 20 قاراشادا قايتادان جالعاسپاق.
جولدىباي بازار.