كەز كەلگەن ەلدى دامىتۋشى نەگىزگى كۇش – جاستار. تاۋەلسىزدىك العان العاشقى كۇننەن-اق قازاقستان بىلىكتى ماماندار دايارلاۋ مەن ءبىلىم سالاسىن الەمدىك ستاندارتتارعا ساي رەفورمالاۋ ءۇشىن كوپتەگەن زاڭدار قابىلداپ, باعدارلامالاردى جۇزەگە اسىردى. مىسالعا الساق, سولاردىڭ بىرەگەيى ەلباسى باستاۋ باسىندا تۇرعان «بولاشاق» باعدارلاماسى ءساتتى ىسكە اسىرىلىپ, بۇگىندە جەمىسىن بەرىپ جاتىر. «بولاشاقتاي» باعدارلاما ءالى كۇنگە بىردە-ءبىر ەلدە دۇنيەگە كەلگەن جوق. ءدال قازىر مەن وسى باعدارلامانىڭ ستيپەندياتى بولىپ, قىتاي استاناسىنداعى تسينحۋا ۋنيۆەرسيتەتىندە ءبىلىم الىپ جاتىرمىن.
كەز كەلگەن ەلدى دامىتۋشى نەگىزگى كۇش – جاستار. تاۋەلسىزدىك العان العاشقى كۇننەن-اق قازاقستان بىلىكتى ماماندار دايارلاۋ مەن ءبىلىم سالاسىن الەمدىك ستاندارتتارعا ساي رەفورمالاۋ ءۇشىن كوپتەگەن زاڭدار قابىلداپ, باعدارلامالاردى جۇزەگە اسىردى. مىسالعا الساق, سولاردىڭ بىرەگەيى ەلباسى باستاۋ باسىندا تۇرعان «بولاشاق» باعدارلاماسى ءساتتى ىسكە اسىرىلىپ, بۇگىندە جەمىسىن بەرىپ جاتىر. «بولاشاقتاي» باعدارلاما ءالى كۇنگە بىردە-ءبىر ەلدە دۇنيەگە كەلگەن جوق. ءدال قازىر مەن وسى باعدارلامانىڭ ستيپەندياتى بولىپ, قىتاي استاناسىنداعى تسينحۋا ۋنيۆەرسيتەتىندە ءبىلىم الىپ جاتىرمىن.
تسينحۋا ۋنيۆەرسيتەتى – قىتايداعى ەڭ ىقپالدى عاسىرلىق تاريحى بار ۋنيۆەرسيتەت. 2010 جىلى اقش-تىڭ تانىمال «فوربس» قارجى جۋرنالى الەمدەگى ەڭ كوركەم ون ءتورت ۋنيۆەرسيتەتتى انىقتادى. ونىڭ ونى اقش-تا بولسا, ۇشەۋى ەۋروپادا, ال ازيادان جالعىز تسينحۋا ۋنيۆەرسيتەتى وسى كورسەتكىشتىڭ قاتارىنان تابىلدى. كوركى كوز قارىقتىرار وسى وقۋ ورداسى, سونىمەن قاتار, ءبىرىنەن كەيىن ءبىرى بيلىككە كەلگەن ەكى ەل باسشىسىن, ياعني ەكس-باسشىسى حۋ تسزين تاو مەن قازىرگى باسشىسى سي ءتسزينپيندى دە تۇلەتكەن! تاياۋدا قىتايدا ىقپالدى ساياساتكەرلەردى دايىنداعان ۋنيۆەرسيتەتتەر ءتىزىمى جاريالاندى. بۇل تىزىمدە بيلىك باسىنداعى ەڭ ىقپالدى 49 ساياساتكەردى تۇلەتكەنى ءۇشىن تسينحۋا ۋنيۆەرسيتەتى ءبىرىنشى ورىندى يەلەنىپ, «ساياسات كەمەڭگەرلەرىنىڭ بەسىگى» دەگەن اتاققا يە بولدى.
ەلىمىزدىڭ وقۋ وردالارىنان وزگەشەلىگى – بۇل ۋنيۆەرسيتەتتىڭ اۋماعى وتە ۇلكەن. سول سەبەپتى ۋنيۆەرسيتەت اۋلاسىنىڭ ىشىندە ارنايى اۆتوبۋستار قاتىنايدى. ال ستۋدەنتتەردىڭ كوبى ۆەلوسيپەدپەن جۇرەدى. اتالمىش وقۋ ورداسىنىڭ ستۋدەنتى اتانۋدىڭ ءوزى ءبىر عانيبەت. مۇنداعى ءاربىر جاس ءار سالانىڭ اتى زاتىنا ساي مامانى بولىپ شىعادى. ولاردىڭ ءار كۇنى قاربالاسقا تولى. ويتكەنى, اتاعىنا قاراي ۋنيۆەرسيتەتتىڭ تالابى دا جوعارى. كىتاپحانا تاڭعى جەتى جارىمنان باستاپ تۇنگى ون بىرگە دەيىن جۇمىس جاسايدى. تاڭەرتەڭ جارىم ساعات كەشىگىپ بارساڭىز, كىتاپحانادان ورىن تاپپاي قالۋىڭىز ابدەن مۇمكىن. ال ءار كۇنى تاڭمەن بىرگە ويانىپ, ۋنيۆەرسيتەت اۋلاسىنداعى باۋ-باقشالار ىشىندە ۇڭىلە ساباققا كىرىسەتىندەرىنىڭ ءوزى قانشاما. وسىنىڭ ءوزى ادامنىڭ بىلىمگە دەگەن قۇشتارلىعىن وياتارى انىق. سونىمەن قاتار, مۇندا وزگە ەلدىڭ بالالارى دا ءبىلىم الادى. ولاردىڭ بويىنان كوپتەگەن ىزگى قاسيەتتەردى ۇيرەنۋگە بولادى. ءوز ەلىڭنىڭ اتىنا كىر كەلتىرمەس ءۇشىن ارىپتەستەرىڭمەن باسەكەلەستىكتە ءبىلىم الاسىڭ. ۇستازدارىم مەنى جاقسى ۇلگەرىمىم ءۇشىن ماقتاپ جاتسا, مەن ەلىمدى ماقتاپ جاتقانداي قۋانامىن. سول كەزدە مەن مۇندا ءوز قارا باسىمنىڭ قامىن كۇيتتەپ ەمەس, تۇتاس ءبىر وتاننىڭ سەنىمىن ارقالاپ ءجۇرگەنىمدى جاقسى تۇسىنەمىن. ال مەملەكەت دەگەنىمىز تەك قازاقستان بيلىگى ەمەس, ول – سول مەملەكەتتىڭ حالقى. سوندىقتان ءبىز ەڭ الدىمەن حالىقتىڭ ءۇمىتىمىز.
1993 جىلى 5 قاراشادا قۇرىلعان «بولاشاق» باعدارلاماسىندا وتكەن جىلعا دەيىن توعىز مىڭنان استام ستۋدەنت ونىڭ ستيپەندياتى اتانىپ, الەمدەگى الدىڭعى قاتارلى وتىزدان استام مەملەكەتتىڭ ەڭ مىقتى وقۋ وردالارىندا ءبىلىم الۋ مۇمكىندىگىنە يە بولدى. مۇنىڭ ءوزى وسى ورتالىق ۇجىمىنىڭ جۇدىرىقتاي جۇمىلىپ, ءاربىر ماسەلەگە بەل شەشە كىرىسىپ, جاۋاپتى دا جالىندى ەڭبەك ەتكەندىگىنىڭ ايعاعى دەپ بىلەمىن.
ارينە, ەلىمىزدىڭ ىرگەسىنىڭ بەكەم بولۋى, ءار سالانىڭ وركەندەپ كوركەيۋى, ءاربىر جەمىستى جەتىستىككە قول جەتكىزۋى ەڭ الدىمەن تۇڭعىش پرەزيدەنتىمىز نۇرسۇلتان ءابiش ۇلى نازارباەۆتىڭ بولاشاقتىڭ كەمەل كەلەشەگىن باتىل بولجاپ, پاراساتتىلىق پەن كەمەڭگەرلىكتى تۋ ەتىپ ۇستانعان ساياساتىنا تىكەلەي بايلانىستى.
ەلباسىمىز ءبىر سوزىندە: «ەلiڭنiڭ ۇلى بولساڭ, ەلiڭە جانىڭ اشىسا, ازاماتتىق نامىسىڭ بولسا, قازاقتىڭ مەملەكەتiن نىعايتىپ, كوركەيۋi جولىندا تەرiڭدi توگiپ ەڭبەك ەت. جەردiڭ دە, ەلدiڭ دە يەسi ەكەنiڭدi ۇمىتپا», – دەگەن ەدى. سوندىقتان مەن شەت جەردە العان ءبىلىمىمدى ەلىمنىڭ يگىلىگىنە جۇمساعىم كەلەدى. بۇل – مەنىڭ ۇلى قازاق ەلىنىڭ الدىنداعى ۇلى پارىزىم!
تالاپ مەيىر,
تسينحۋا ۋنيۆەرسيتەتىنىڭ 3-ءشى كۋرس ستۋدەنتى.