قىزىلوردادا كاسىپپەن اينالىسۋعا جەڭىلدەتىلگەن نەسيە بەرىلۋدە

باعدارلاماعا ساي "قىزىلوردا" وڭىرلىك ينۆەستيتسيالىق ورتالىعى ارقىلى بەرىلەتىن نەسيە سوماسى 5 ملن تەڭگەدەن 10 ملن تەڭگەگە دەيىن. مەرزىمى 5 جىل.

وبلىستىق كاسىپكەرلىك پالاتاسىنىڭ ءبولىم باسشىسى گاۋحار ەلەۋسىنوۆانىڭ ايتۋىنشا شاعىن نەسيەنىڭ پايىزدىق مولشەرلەمەسى 17,5%. سونىڭ ىشىندە ينۆەستيتسيالىق ماقساتقا بەرىلگەن نەسيەلەردىڭ باستاپقى ءۇش جىلىندا, ال  اينالىم قاراجاتىنا بەرىلەتىن نەسيەنىڭ اۋەلگى ەكى جىلىندا كاسىپكەر پايىزدىق مولشەرلەمەنى 6%-بەن تولەسە, مەملەكەت تاراپىنان 11,5%-ى سۋبسيديالانادى.

"باعدارلاما اياسىندا نەسيە الۋعا نيەت بىلدىرگەن ازاماتتار كاسىپكەرلەر پالاتاسىنىڭ اۋداندىق فيليالى مەن اۋداندارداعى كاسىپكەرلىك, ونەركاسىپ جانە تۋريزم بولىمىنەن قاجەتتى ساۋالدارىنا جاۋاپ الا الادى", دەيدى گاۋحار ەلەۋسىنوۆا.