دايارلىق دەڭگەيى جوعارى

قازىر ەكى ەل اراسىنداعى جول قاتىناسى سايابىرسىپ, شەكارا جال­پىعا جابىق تۇرعانىمەن, ارعى-بەرگى بەتتە تۋىسى بارلار مەن ستۋدەنتتەرگە, ەمدەلىپ, وتا جاساتۋشىلار مەن جۇك كولىكتەرىنە جول اشىق. قوستاناي وبلىسىنان رەسەيگە شىعاتىن باس قاقپا – «قايراق» شەكارا بەكەتى قىز­مەتكەرلەرىنىڭ مالىمەتىنشە, شەكارادان كۇنىنە 1 مىڭعا جۋىق اۆتوكولىك, 1500-دەي جولاۋشى وتەدى. ارى-بەرى اعىلىپ جاتقان ترانسپورت قۇرالدارىنىڭ 90%-ى – جۇك كولىكتەرى. بۇل كولىكتەردىڭ باسىم بولىگى قوستانايعا سوقپاي, اينالما جول ارقىلى وتكەننىڭ وزىندە, ىندەتتىڭ تارالۋ قاۋپى بار ەكەنىن جوققا شىعارۋعا بولمايدى.

قوستاناي وبلىسىنىڭ اكىمى ارحيمەد مۇحامبەتوۆ كەشە عانا ىندەتتىڭ تارالۋىنا جول بەرمەۋ جونىندەگى جەدەل شتاب وتىرىسىن وتكىزىپ, وبلىستا كورونوۆيرۋسقا قارسى كۇرەس شارالارى جوسپارلى تۇردە جۇرگىزىلىپ جاتقانىن ايتتى. الايدا ايماقتا قابىلدانىپ جاتقان ساقتىق شارالارىنا ق­ا­راماستان, تۇرعىندار مەن بىر­قاتار مەكەمەلەر تارتىپكە بوي­سۇنباي وتىر. پوليتسيانىڭ ما­لىمەتىنشە, رەيد شارالارى بارىسىندا وبلىس­تا 5 مىڭنان استام سانيتارلىق-ەپيدەميالىق تالاپتاردى بۇزۋ دەرەگى تىركەلگەن. ناتيجەسىندە, 1221 حاتتاما تولتىرىلىپ, جالپى سو­ماسى 61,5 ملن تەڭگە بولاتىن 841 ايىپپۇل سالىنعان.

6-قازاننان باستاپ جىتىقارا اۋدا­نىنداعى «جەلقۋار» شە­كا­رالىق كومەنداتۋراسىندا سا­­نيتارلىق بەكەت قويىلىپ, رەسەي­دەن بەرى وتكەندەردىڭ مىندەتتى تۇر­دە قىزۋىن ولشەپ, ساۋالدامادان وتكىزۋ شارالارى قولعا الىندى. سونداي-اق جىتىقارادا وسى كۇننەن باستاپ 40 ورىندىق كارانتيندىك ستاتسيونار جۇمىس ىستەي باستادى. بۇل تۋرالى اۋدان باسشىسى الەۋمەتتىك جەلىدەگى جەكە پاراقشاسىنا جازدى.

جاڭا ينفەكتسيالىق ورتالىق اۋرۋحانانىڭ قۇرىلىسى اياقتالدى

قوستانايدا از ۋاقىتتا بوي كو­تەرگەن ينفەكتسيالىق اۋرۋحانا 10 قازاننان باس­تاپ جۇ­مىس ىستەي باستايدى. كو­رونا­ۆيرۋس جۇقتىرعان ناۋقاستار جاتا­تىن بۇل اۋرۋحانانىڭ زاماناۋي ەمدەۋ قۇرىلعىلارىمەن قامتىلعان زەرتحاناسى, دياگنوستيكا ورتالىعى, حيرۋرگيا ءبولىمى بار. ينفەكتسيالىق ورتالىقتىڭ باستى ەرەكشەلىگى – مۇنداعى ناۋ­قاستارعا ارنايى قوندىرىلعان پلانشەتتەر ارقىلى قاشىقتان باقىلاۋ جاسالادى.

– بۇل COVID-19-عا قارسى كۇ­رەس شارالارى اياسىندا سالىنعان كوپسالالى ينفەكتسيالىق اۋرۋحانا. مۇنداعى ءاربىر توسەكتە وتتەگىگە قوسىلۋ مۇمكىندىگى قاراس­تىرىلعان. سونداي-اق ءبىز مۇندا BMS جۇيەسىن ەنگىزدىك. ياعني دارىگەرلەر ەندى ناۋقاستىڭ جاي-كۇيىن پلانشەت ارقىلى قاشىقتان-اق تەكسەرىپ, قورىتىندى شىعارا الادى, – دەدى جوبا جەتەكشىسى ايدان نارىمباەۆ.

ينفەكتسيالىق ورتالىق 200 ناۋ­قاسقا شاقتالعان. 20 ورىندىق جان ساقتاۋ ءبولىمى, ەندوسكوپيالىق جانە ۋلترادىبىسپەن ەمدەۋ ءبولىمى تاعى بار.

– مۇندا ءبىر ورىندىق جانە ەكى, ءۇش ورىندىق پالاتالار بار. وبلىستىق اۋرۋحانا دارىگەرلەر مەن مەد­بيكەلەردى دايىنداپ جاتىر. ينجەنەرلىك قۇرام جاساق­تالۋدا, – دەدى دەنساۋلىق ساقتاۋ باس­قارماسىنىڭ باسشىسى ۆياچەس­لاۆ دۋدنيك.

جاڭا اۋرۋحانانى تازا جانە لاس ايماققا ءبولىپ تۇراتىن 8 مودۋل قاراستىرىلعان. ورتا­لىق عيماراتتارىنىڭ قوس قاپ­تالىندا ءبىر-بىرىنە قاراما-قار­سى ورنالاسقان ەكى ەسىك بار. كوروناۆيرۋس جۇق­تى­رىپ, اۋرۋ­حاناعا جەتكىزىلگەن ناۋقاستار ءبىرىنشى ەسىكتەن كىرەدى. ال دەرتىنەن ايىققان ادامدار عيماراتتىڭ ەكىنشى جاعىنداعى باسقا ەسىكتەن شىعادى.

ءبىر قاباتتى اۋرۋحانا عيما­راتىنىڭ جالپى اۋدانى 6800 شارشى مەتر بولادى. ايدان نا­رىم­باەۆتىڭ ايتۋىنشا, مۇن­دا اۋانى تازارتىپ وتىراتىن كەرى جەلدەتكىش ورناتىلعان. ياع­ني پا­لاتاداعى لاس اۋا دالىزگە شىق­پايدى. اۋرۋحاناداعى بارلىق اۋا ارنايى زارارسىزداندىرۋ قۇ­رىلعىسى ارقىلى سۇزگىدەن ءوتىپ, تازارتىلعان كۇيدە دالاعا ءبولىنىپ شىعادى.

ايىنا 5 ملن ماسكا تىگەتىن جاڭا كاسىپورىن اشىلادى

قوستانايدا بىرتاعار بەتپەر­دە شىعاراتىن ءوندىرىس ورنى ىسكە قوسىلادى. «ۆاديسا م» سەرىك­تەستىگىندەگى ەكى بىردەي جاڭا جەلى مينۋتىنا 160 مەدماسكا تىگە الادى. ايىنا 5 ملن قورعانىش قۇرالىن شىعارۋدى كوزدەيتىن كاسىپورىن تاياۋدا عانا العاشقى ءونىمىن شىعاردى. سەرىكتەستىكتىڭ باس ەسەپشىسى ۆالەنتينا گاۆري­لەنكونىڭ ايتۋىنشا, ءار ماسكانىڭ باعاسى 40 تەڭگەنىڭ توڭىرەگىندە. قازىر كاسىپورىن ءوندىرىستى قوسۋعا رۇق­سات بەرەتىن قۇجاتتارىن رەت­تەس­تىرىپ جاتىر. سەرتيفيكاتقا قول جەت­كىزگەن سوڭ, بىردەن ىسكە كىرىس­پەك.

اسىرەسە وبلىس تۇرعىندارىن ءدارى-دارمەكپەن قامتاماسىز ەتۋ اسا ماڭىزدى. جەدەل شتاب جانىنان قۇرىلعان مونيتورينگ توبى دارىحانالارعا پرەپاراتتاردىڭ كەلىپ ءتۇسۋىن كۇن سايىن قاداعالاپ, ءدارى باعاسىنىڭ قىمباتتاماۋىن قاتاڭ باقىلاۋعا العان. وبلىستا تۇراقتاندىرۋ قورى قۇرىلىپ, ءدارى-دارمەك جەتكىزۋشىلەرمەن جۇمىس جانداندى. سونداي-اق فارماتسەۆتيكالىق مەكەمەلەرگە 300 ملن تەڭگە كولەمىندە قاي­تارىمدى قارجىلاي كومەك كور­سەتىلۋدە. قازىر وبلىستا COVID-19-دان ەمدەۋ حاتتاماسىنا ەنەتىن باكتەرياعا قارسى پرەپاراتتار مەن انتيكواگۋليانت, كورتيكوستەرويد سياقتى ءدارى-دارمەكتىڭ ەكى ايلىق قورى بار. پاندەميانىڭ ەكىنشى تولقىنى بۇرق ەتە قالعان جاعدايدا پايدالانىلاتىن جەكە قورعانىش قۇرالدارى دا جەتكىلىكتى.

– نەگىزگى ءدارى-دارمەك قورى ۇنە­مى ەسەلەنىپ وتىرادى. ءدارى­حانالاردى قاجەتتى دارىلىك پرەپاراتتارمەن جانە جەكە قورعانىش قۇرال­دارىمەن تولىقتىرۋ جۇمىس­تارى جالعاساتىن بولادى, – دەدى ا.مۇحامبەتوۆ.

7 ملرد تەڭگە ءبولىندى

ءوڭىر باسشىسىنىڭ ايتۋىنشا, وبلىستاعى COVID-19-عا قارسى كۇرەس شارالارى اياسىندا بيىل مەديتسينالىق جابدىقتار مەن سانيتارلىق اۆتوكولىكتەر ساتىپ الۋعا شامامەن 7 ملرد تەڭگە بولىنگەن. مۇنىڭ سىرتىندا, 79 جاساندى تىنىس الۋ قۇرىلعىسى ساتىپ الىنعان, تاياۋدا قازاقستاندا شىققان تاعى 85 جتا اپپاراتىن جەتكىزۋ جوسپارلانىپ وتىر. بۇگىندە وبلىستاعى ەمدەۋ مەكەمەلەرىندە وكپەگە جاساندى جولمەن اۋا جىبەرەتىن جالپى سانى 267 اپپارات بار.

دەنساۋلىق ساقتاۋ باسقار­ماسىنىڭ مالىمەتىنشە, قازان ايىنىڭ سوڭىنا دەيىن وبلىسقا 15 تسيفرلى رەنتگەن جۇيەسى جەت­كىزىلەدى. ونىڭ 10-ى قازاق­ستاندا جاسالعان. سونداي-اق 4 كوم­پيۋتەرلىك توموگراف, 1 مرت, سۋ تازارتاتىن 7 گەمودياليز اپپاراتى اكەلىنەدى.

– مۇنىڭ سىرتىندا, 10 قا­زانعا دەيىن 360 پەرفۋزور مەن ين­فۋزوماتتار, باسقا دا مەدي­تسينالىق جابدىقتار مەن قاندى گەموسۇزگىدەن وتكىزەتىن 3 قۇرىلعى كەلەدى, – دەدى باسقارما باسشىسى ۆ.دۋدنيك.

اي­ماقتاعى 856 ورىنعا ار­نالعان 4 ءىرى ستاتسيوناردا وتتەگى جەلىلەرىن مونتاجداۋ جوسپارلانىپ وتىر. بۇگىندە مەديتسينالىق مەكەمەلەردىڭ بالانسىندا 600 وتتەگى كونتسەنتراتورى بار.

جىلجىمالى دياگنوستيكالىق كەشەنمەن قامتاماسىز ەتىلەدى

دياگنوستيكالىق مەديتسينالىق كەشەنمەن قامتىلعان ارنايى كولىكتەر قوستاناي ماشينا جاساۋ زاۋىتىندا قۇراستىرىلادى. العاشقى ەكى كولىكتىڭ كىلتى قوس­تاناي جانە فەدوروۆ اۋداندارىنا تابىس ەتىلدى. زاۋىت مۇنداي مەديتسينالىق قۇرىلعىلارمەن جابدىقتالعان جۇزدەگەن اۆتوبۋس­تى ەلىمىزدىڭ وزگە ايماقتارىنا دا جونەلتپەك. دەنساۋلىق ساقتاۋ باسقارماسىنىڭ ءباسپاسوز حاتشىسى كسەنيا جىلقىباەۆانىڭ سوزىنشە, مۇنداي اۆتوبۋستار قارا­عاندى وبلىسىنان وزگە وڭىر­لەردە جوق ەكەن.

زاۋىتتىڭ ارنايى كوممەر­تسيالىق تەحنيكا جوباسىنىڭ جەتەكشىسى الەكسەي لەۆاشكين جىل­جىمالى دياگنوستيكا كەشەن­دەرىنە تاياۋدا عانا تاپسىرىس تۇسكەنىن ايتادى.

– تامىز ايىندا ءبىز دەنساۋلىق ساقتاۋ مينيسترلىگىنەن زاماناۋي جىلجىمالى مەديتسينالىق كەشەننىڭ جوباسىن ازىرلەۋگە تاپسىرىس الدىق. مىنە, كوپ كەشىكپەي «Yutong» سەرىكتەسىمەن تۋريستىك اۆتوبۋس بازاسىندا زاماناۋي جىلجىمالى كەشەندى ۇسىنىپ وتىرمىز. مەديتسينالىق كەشەن «Yutong» ماركالى قا­لاارالىق اۆتوبۋسىنىڭ نەگىزىن­دە قۇراستىرىلدى. اۆتونومدى جىلىتۋ جۇيەسى, كونديتسيونەرى بار. اۆتوبۋستا جەتى كابينەت جۇ­مىس ىستەيدى. ونىڭ ىشىندە تەرا­پيالىق جانە اكۋشەرلىك-گينە­كولوگيالىق كابينەتتەر ارنايى قۇرىلعىلارمەن جابدىقتالعان. قوسىمشا زەرتحانا ورتالىعى دا بار, – دەدى ا.لەۆاشكين.

جىلجىمالى كەشەندە قان ساراپتاماسىن ساقتاۋعا ارنالعان توڭازىتقىش, سوزىلمالى جۇقپالى ەمەس اۋرۋلاردى ەرتە انىقتايتىن كەشەندى قۇرىلعى ورنالاسقان. ەم-دوم جاساۋعا قاجەتتى مۇمكىندىكتىڭ ءبارى قاراستىرىلعان.

– بۇگىندە قوستاناي اۋدانىندا 70 مىڭنان استام حالىق تۇرادى. ءبىز باراتىن ەڭ شالعاي اۋىل توبىل قالاسىنان 120 شاقىرىم قاشىقتىقتا ورنالاسقان. بۇرىن ءبىز شالعاي اۋىلدارعا جۇك كولىگى­مەن باراتىنبىز. قىستا توڭىپ جەتەمىز جانە ناۋقاستاردى تەكسە­رەتىن قۇرىلعىلار سانى دا شەك­تەۋلى بولاتىن. ال بۇل كولىك­تىڭ باستى ەرەكشەلىگى, مۇندا تۇر­عىندارعا كوپتەگەن زەرتحا­نالىق تەكسەرۋلەر جۇرگىزۋگە بولادى. رەنتگەن مەن فليۋوروگرافيادان وتكىزۋگە دە مۇمكىندىك بار. وعان ەكگ مەن ۋدز-نى قوسىڭىز, – دەدى اۋداندىق اۋرۋحانانىڭ باس دارىگەرى سارلىبەك مەششانوۆ.

زاماناۋي جىلجىمالى دياگ­نوستيكالىق كەشەننىڭ ۇزىن­دىعى – 12 مەتر. مەداۆتوبۋستىڭ مۇم­كىندىگى شەكتەۋلىلەرگە ارنالعان جىلجىمالى ساتىسى بار.

تاياۋ كۇندەرى مۇنداي كەشەندەر تاعى 10 اۋدانعا جونەلتىلمەك.

قوستاناي وبلىسى