پرەزيدەنت ستراتەگيالىق جوسپارلاۋ اگەنتتىگىنىڭ كەيبىر ماسەلەلەرى تۋرالى جارلىققا قول قويدى

«قازاقستان رەسپۋبليكاسىنىڭ پرەزيدەنتى تۋرالى» 1995 جىلعى 26 جەلتوقسانداعى قازاقستان رەسپۋبليكاسى كونستيتۋتسيالىق زاڭىنىڭ 17-1-بابى 2-تارماعىنىڭ 1) تارماقشاسىنا سايكەس قاۋلى ەتەمىن:

1. قوسا بەرىلىپ وتىرعان:

1) قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار اگەنتتىگى (بۇدان ءارى – اگەنتتىك) تۋرالى ەرەجە;

2) اگەنتتىكتىڭ قۇرىلىمى;

3) قازاقستان رەسپۋبليكاسى پرەزيدەنتىنىڭ كەيبىر اكتىلەرىنە ەنگىزىلەتىن وزگەرىستەر مەن تولىقتىرۋلار بەكىتىلسىن.

2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا كوميتەتى اگەنتتىكتىڭ ۇلتتىق ستاتيستيكا بيۋروسى بولىپ قايتا قۇرىلسىن.

3. قازاقستان رەسپۋبليكاسىنىڭ ۇكىمەتى وسى جارلىقتى ىسكە اسىرۋ بويىنشا وزگە دە شارالاردى قابىلداسىن.

4. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

  پرەزيدەنتى                                                                                ق.توقاەۆ

نۇر-Cۇلتان, اقوردا, 2020 جىلعى 5 قازان

                 №427

قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار اگەنتتىگى تۋرالى ەرەجەنى مىنا سىلتەمەدەن بىلە الاسىز.