پرەزيدەنت دۋبايدا وتكەن تەرروريزمگە قارسى بولىمشەلەر اراسىنداعى UAE SWAT Challenge-2026 حالىقارالىق جارىسىندا ۇزدىك ناتيجەگە قول جەتكىزگەن قازاقستاندىق كوماندالاردى قۇتتىقتادى. بۇل تۋرالى پرەزيدەنتتىڭ كەڭەسشىسى – ءباسپاسوز حاتشىسى ايبەك سمادياروۆ تەلەگرام ارناسىندا حابارلادى, دەپ جازادى Egemen.kz.
Kazakhstan C كومانداسى بەدەلدى ءتۋرنيردىڭ ءابسوليۋتتى جەڭىمپازى اتانسا, Kazakhstan A كومانداسى جالپى ەسەپتە ەكىنشى ورىنعا يە بولدى.قاسىم-جومارت توقاەۆ مەملەكەتتىك كۇزەت قىزمەتى, ىشكى ىستەر مينيسترلىگى, ۇلتتىق قاۋىپسىزدىك كوميتەتى قىزمەتكەرلەرىنەن جاساقتالعان قۇرامانىڭ كاسىبي, فيزيكالىق, جاۋىنگەرلىك دايارلىعى جانە وتانشىل رۋحى جوعارى دەڭگەيدە ەكەنىن, سونداي-اق ساربازداردىڭ جەڭىسكە دەگەن ەرىك-جىگەرىن ەرەكشە اتاپ ءوتتى.
UAE SWAT Challenge: قازاقستان ارنايى جاساقتارى ءتۋرنيردىڭ العاشقى كۇنىندە توپ جاردى
مەملەكەت باسشىسى 48 ەلدەن 109 كوماندا قاتىسقان جارىستا لايىقتى ونەر كورسەتكەن ارنايى جاساق جاۋىنگەرلەرىنە ءتيىستى قۇرمەت كورسەتىلەتىنىن ايتتى.