قازاقستاندىق سەناتورلار قىرعىزستانداعى جوگوركۋ كەنەش دەپۋتاتتارىنىڭ سايلاۋىن بايقاۋعا قاتىستى, دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.
تمد-عا قاتىسۋشى مەملەكەتتەردىڭ پارلامەنتارالىق اسسامبلەياسى ميسسياسى بايقاۋشىلارىنىڭ قۇرامىنا مۇرات باقتيار ۇلى كىرگەن بولاتىن. تمد پاا حالىقارالىق بايقاۋشىلار توبى پارلامەنتتىك سايلاۋعا ۇمىتكەرلەر ۇسىنعان بىرقاتار ساياسي پارتيالاردىڭ وكىلدەرىمەن كەزدەستى. قىرعىزستاندا تمد-نىڭ 8 مەملەكەتىنەن 151 بايقاۋشى تىركەلگەن بولسا, تمد پاا-نىڭ توبى اتىنان 47 ادام وكىلدىك ەتۋدە.
سەنات دەپۋتاتى دينار نوكەتاەۆا تۇركىتىلدەس ەلدەردىڭ پارلامەنتتىك اسسامبلەياسىنان بايقاۋشىلار ميسسياسىنىڭ قۇرامىنا ەندى. تۇركپا بايقاۋشىلارى قىرعىزستاننىڭ سايلاۋ جانە رەفەرەندۋم وتكىزۋ جونىندەگى ورتالىق كوميسسياسىنىڭ باسشىلىعىمەن, سونداي-اق ساياسي پارتيالاردىڭ وكىلدەرىمەن بىرقاتار كەزدەسۋلەر وتكىزدى. سەناتور دينار نوكەتاەۆا «قازىرگى زامانعى تەحنولوگيالار: قىرعىز رەسپۋبليكاسىنداعى سايلاۋدىڭ اشىقتىعى مەن ناقتىلىعىن قامتاماسىز ەتۋ» كونفەرەنتسياسىنىڭ جۇمىسىنا قاتىستى.
باقىتجان جۇماعۇلوۆ ءوز كەزەگىندە ۇقشۇ پارلامەنتتىك اسسامبلەياسى بايقاۋشىلارىنىڭقۇرامىنا كىردى.