پوليتسيا قىزمەتكەرلەرى, ەپيدەميولوگتار, ەرىكتىلەر مەن جەرگىلىكتى اتقارۋشى ورگاندار وكىلدەرىنەن قۇرالعان ءموبيلدى توپتار كارانتين رەجيمىن بۇزۋشىلىقتاردى انىقتاۋدى جالعاستىرۋدا. تەكسەرۋ كەزىندە ءتارتىپ ساقشىلارى ويىن-ساۋىق مەكەمەلەرى, تاماقتانۋ ورىندارى, ساۋنالار مەن مونشالارعا كىرىپ, يەلەرىنە قولدانىستاعى شەكتەۋلەر تۋرالى ەسكەرتەدى, سونىمەن قاتار بۇزۋشىلىقتاردى انىقتايدى.
«تاڭعى ساعات 05:00 شاماسىندا پوليتسياعا تۇرعىننان تۇنگى ۋاقىتتا بارلىق نورمالاردى بۇزا وتىرىپ, شەۆچەنكو كوشەسىندەگى «ۋگول 4/1» كافەسى اشىق تۇرعانى تۋرالى قوڭىراۋ ءتۇستى. وقيعا ورنىنا پوليتسيا قىزمەتكەرلەرى دەرەۋ جەتتى. تەكسەرۋ كەزىندە كافەدە ون كەلۋشى بولدى. كارانتين شارالارىن بۇزعانى ءۇشىن بىرنەشە رەت اكىمشىلىك جاۋاپكەرشىلىككە تارتىلعانىنا قاراماستان, «ۋگول 4/1» يەسى باس سانيتارلىق دارىگەردىڭ تالاپتارىن ەلەمەگەن», – دەلىنگەن پوليتسيا دەپارتامەنتىنىڭ حابارلاماسىندا.
مەنشىك يەسىنە قاتىستى اكىمشىلىك كودەكستىڭ 425-بابى بويىنشا – حالىقتىڭ سانيتارلىق-ەپيدەميولوگيالىق سالاماتتىلىعى سالاسىنداعى زاڭنامانىڭ, سونداي-اق گيگيەنالىق نورمالاردىڭ تالاپتارىن بۇزۋ بويىنشا تاعى ءبىر اكىمشىلىك ءىس قوزعالدى.
دەمالىس كۇندەرى بارلىعى 34 كارانتين ءتارتىبىن بۇزۋشىلىق انىقتالدى. ايتا كەتەيىك, مۇنداي رەيدتەر اپتا سايىن وتكىزىلەدى.
نۇر-سۇلتان قالالىق پوليتسيا دەپارتامەنتى ازاماتتاردى جاۋاپكەرشىلىك تانىتۋعا جانە سانيتارلىق نورمالاردى ساقتاۋعا شاقىرادى.