بازارلارداعى تاۋىق ونىمدەرىنىڭ قاۋىپسىزدىگى تولىق قامتاماسىز ەتىلگەن. بۇل تۋرالى وكق ونلاين-بريفينگىندە اشم ۆەتەريناريالىق باقىلاۋ جانە قاداعالاۋ كوميتەتى توراعاسىنىڭ مىندەتىن اتقارۋشى تۇرسىن قابدولدانوۆ ايتتى.
"تاۋىق ونىمدەرى بازارلارعا ۆەتەرينارلىق قۇجاتتارمەن جانە ىلەسپە قاعازدارمەن كەلەدى. ىلەسپە قاعاز بەرگەن كەزدە ول ونىمدەردىڭ ءبارى تەكسەرۋدەن وتەدى. ءونىمدى تەكسەرەتىن لابوراتوريانىڭ ساراپتاماسى شىققاننان كەيىن وعان ۆەتەرينارلىق انىقتاما بەرىلەدى. ءونىم بازارعا جەتكىزىلگەن كەزدە سول جاقتا ۆەتەرينار ينسپەكتورلار تاعى تەكسەرىس جۇرگىزەدى", دەيدى قابدولدانوۆ.
ونىڭ ايتۋىنشا, بازاردىڭ ىشىندە دە ۆەتەرينارلىق-سانيتارلىق زەرتحانالار بار. "بازارداعى ءار ءونىم ساتىلاتىن ورىننىڭ ءبارى كۇندەلىكتى باقىلاۋدا. ءونىمنىڭ رەجيمى, تەمپەراتۋراسى, ول ونىمدەردىڭ بازاردا ساقتالۋى, ولاردىڭ ساتىلۋ ءتارتىبى بارلىعى كۇندەلىكتى تاڭعى ۋاقىتتان كەشكە دەيىن باقىلاۋدا. بازارداعى تاۋىق ونىمدەرىنىڭ قاۋىپسىزدىگى قامتاماسىز ەتىلگەن دەپ تولىق ايتا الامىز", دەدى اشم ۆەتەريناريالىق باقىلاۋ جانە قاداعالاۋ كوميتەتى توراعاسىنىڭ مىندەتىن اتقارۋشى.