ەلىمىزدە قۇس تۇماۋىنان قىرىلعان 329 691 باس ءۇشىن وتەماقى تولەنەدى. بۇل تۋرالى ۆەتەريناريالىق باقىلاۋ جانە قاداعالاۋ كوميتەتى توراعاسىنىڭ مىندەتىن اتقارۋشى تۇرسىن قابدولدانوۆ قر پرەزيدەنتى جانىنداعى وكق بريفينگىندە حابارلادى.
"ورتاشا نارىقتىق قۇنىن وتەۋدى كوميسسيا جۇزەگە اسىرادى. ارنايى شتابتار قۇرىلدى. قر اشم ۆەتەريناريالىق باقىلاۋ جانە قاداعالاۋ كوميتەتىنىڭ "رەسپۋبليكالىق ەپيزووتياعا قارسى وترياد" رمم-ءسى قۇس يەلەرىنىڭ ساراپتاما, جويۋ اكتىسى, قۇس تۇماۋىنان بولعان ءولىم-ءجىتىمدى راستايتىن قۇجاتتارى جانە ارنايى شوتتى اشقان كەزدە عانا قارجىنى اۋدارادى. كوميسسيا وتەماقىنى قازاقستان رەسپۋبليكاسى ستاتيستيكا كوميتەتىنىڭ قۇستاردىڭ تۇرلەرى بويىنشا دەرەكتەرى نەگىزىندە انىقتايدى", - دەدى سپيكەر.