قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆ ارمەنيا رەسپۋبليكاسى قاۋىپسىزدىك كەڭەسىنىڭ حاتشىسى ارمەن گريگوريانمەن تەلەفون ارقىلى سويلەستى, دەپ حابارلادى پرەزيدەنتتىڭ ءباسپاسوز قىزمەتى.
ارميان تاراپىنىڭ باستاماسى بويىنشا قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆ ارمەنيا رەسپۋبليكاسى قاۋىپسىزدىك كەڭەسىنىڭ حاتشىسى ارمەن گريگوريانمەن تەلەفون ارقىلى سويلەستى.
تاراپتار تاۋلى قاراباق توڭىرەگىندەگى ارميان-ازەربايجان قاقتىعىسىنىڭ ۋشىعۋىنا بايلانىستى احۋالدى تالقىلادى.
اسەت يسەكەشەۆ ارىپتەسىنە قازاقستان تاراپىنىڭ احۋالدى تۇراقتاندىرۋ ءۇشىن بارلىق شارانى قابىلداۋ, كۇشتىك قۇرالداردى پايدالانۋدان باس تارتۋ قاجەتتىگى, سونداي-اق ماسەلەنى تەك ساياسي جانە ديپلوماتيالىق تۇرعىدان شەشۋ تۋرالى ۇستانىمىن جەتكىزدى.