قازاقستان پرەزيدەنتى نۇرسۇلتان نازارباەۆتىڭ اتىنا يسپانيا قوعامدىق ۇيىمدارى باسشىلارىنان قاراعاندى ەڭبەكپەن تۇزەۋ لاگەرىندە جازاسىن وتەگەن يسپان تۇتقىندارى تۋرالى ارحيۆتىك ماتەريالداردى تاپسىرعانى ءۇشىن زور العىس ايتىلعان حات كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى.
قازاقستان پرەزيدەنتى نۇرسۇلتان نازارباەۆتىڭ اتىنا يسپانيا قوعامدىق ۇيىمدارى باسشىلارىنان قاراعاندى ەڭبەكپەن تۇزەۋ لاگەرىندە جازاسىن وتەگەن يسپان تۇتقىندارى تۋرالى ارحيۆتىك ماتەريالداردى تاپسىرعانى ءۇشىن زور العىس ايتىلعان حات كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى.
بۇل ماتەريالدار يسپانيا ۇكىمەتىنىڭ توراعاسى م.راحويدىڭ استاناعا رەسمي ساپارى كەزىندە تابىس ەتىلگەن ەدى.
«ءسىز بۇرىنعى كسرو رەسپۋبليكالارى اراسىنان ءبىزدىڭ ەلدىڭ سوناۋ قاسىرەتتى جىلدارداعى تاريحي ەستەلىگىن قالپىنا كەلتىرۋدە ىزگىلىك تانىتقان جانە كومەك كورسەتكەن العاشقى جانە ازىرشە بىردەن-ءبىر مەملەكەت باسشىسى بولىپ تابىلاسىز. ءبىز سىزگە تەرەڭ ىقىلاسىمىز بەن ريزاشىلىعىمىزدى بىلدىرەمىز», – دەلىنگەن «AGE» قورىنىڭ (يسپانيانىڭ سوعىس جانە ەميگراتسيا مۇراعاتتارى) باس حاتشىسى د.كابرا, «نوستالگيا» قورىنىڭ پرەزيدەنتى م.ارسە جانە ت.ب. جولداعان حاتتا.
سونداي-اق, حات اۆتورلارى ءوز تۋعان-تۋىسقاندارى مەن يسپانيانىڭ زەرتتەۋشى عالىمدارى ءۇشىن باعا جەتپەس قۇندى قۇجاتتار بولىپ سانالاتىن ماتەريالداردىڭ ەرەكشە ماڭىزدى ەكەنىن اتاپ وتكەن.
بۇل وقيعا يسپاندىق باق-تاردىڭ جانە ەل جۇرتشىلىعىنىڭ ەرەكشە نازارىن اۋداردى.