پتر اناليزىنە ارنالعان قازاقستاندىق رەاگەنتتەر جەتكىزۋشىسى "سك-فارماتسيا" كومپانياسىن كەلىسىمشارتتى بۇزدى دەپ ايىپتادى. كومپانيا 1,5 ميلليارد تەڭگەگە تاۋار جەتكىزۋى كەرەك ەدى, الايدا تاپسىرىستىڭ جارتىسىن العاننان كەيىن بىرىڭعاي ديستريبيۋتور جوسپارلارىن وزگەركەن, دەپ حابارلايدى Egemen.kz
كومپانيانىڭ شاعىمى بويىنشا قازاقستاننىڭ بيزنەس-ومبۋدسمەنى رۋستام ءجۇرسىنوۆ حابارلادى. ونىڭ ايتۋىنشا, كومپانيا سك-فارماتسيامەن كوروناۆيرۋسقا ارنالعان 507,975 رەاگەنت جيىنتىعىن جەتكىزۋگە كەلىسىم جاساسقان.
جەتكىزۋشىنىڭ ايتۋىنشا, بارلىق ونىمدەر قارىزعا الىنعان جانە ونىمدەر تەك ءبىر ديستريبيۋتورعا عانا ساتىلۋى مۇمكىن.
"دەنساۋلىق ساقتاۋ ءمينيسترى الەكسەي تسوي بۇعان دەيىن قازان ايىندا COVID-19 كوروناۆيرۋسىنىڭ ەكىنشى تولقىنى كۇتىلەدى دەپ حابارلاعان, بۇل رەاكتيۆتەرگە دەگەن قاجەتتىلىك ءالى دە بار", دەدى ومبۋدسمەن.
"سك-فارماتسيا" كومپانياسىنىڭ ءباسپاسوز قىزمەتى "ۆيريۋس" جشس-مەن 1,57 ملرد تەڭگەگە 507,975 رەاگەنت جەتكىزۋگە كەلىسىمشارت جاسالعاندىعىن راستاپ وتىر. مۇنداي مولشەردىڭ قازاقستانداعى مەديتسينالىق ۇيىمداردىڭ العاشقى وتىنىشىنە ەنگىزىلگەنىن دە اتاپ ءوتتى.