پرەمەر-ءمينيستردىڭ ءبىرىنشى ورىنباسارى ءاليحان سمايىلوۆتىڭ توراعالىعىمەن ينۆەستيتسيا تارتۋ بويىنشا اپتالىق كەڭەس ءوتتى. بۇل تۋرالى ۇكىمەتتىڭ ءباسپاسوز قىزمەتى حابارلادى.
كەڭەسكە قاتىسۋشىلار ينۆەستيتسيا تارتۋ بويىنشا كوزدەلگەن كورسەتكىشتەرگە قول جەتكىزۋ بارىسى تۋرالى باياندادى. الماتى, ماڭعىستاۋ, تۇركىستان وبلىستارى, اۋىل شارۋاشىلىعى مينيسترلىگى, يندۋستريا جانە ينفراقۇرىلىمدىق دامۋ مينيسترلىگى, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ۇسىنعان جوبالار قاراستىرىلدى.
ءار سالا مينيسترلىكتەرى ۇسىنعان جوبالار قاتارىندا اۋەجاي, تسەمەنت زاۋىتىن, قۇس فابريكاسىن, كابەل جانە ترانسفورماتور شىعاراتىن وندىرىستىك كەشەن سالۋ, مينەرالدى تىڭايتقىشتار مەن قۇراما جەم شىعاراتىن زاۋىتتار, قاتتى تۇرمىستىق قالدىقتاردى كادەگە جاراتۋ مەن قايتا وڭدەۋ زاۋىتىن, شويىن شىعاراتىن مەتاللۋرگيا زاۋىتى, ەت وڭدەيتىن كەشەننىڭ قۇرىلىسى, باقتاردى دامىتۋ جانە وڭدەلگەن جەمىستەردى ءوندىرۋ, بالىق ءوسىرۋ كەشەنى جانە تاعى باسقالارى بار.
القالى جيىندا جوبالاردىڭ وزەكتىلىگى, ىسكە اسىرۋ كەزەڭدەرى, قۇجاتتامانىڭ دايىندىعى جانە جالپى ۇسىنىلعان ينۆەستيتسيالىق جوبالاردىڭ ارقايسىسى بويىنشا پروبلەمالىق ماسەلەلەر تالقىلاندى. ۇسىنىلعان ينۆەستيتسيالىق جوبالار ەلىمىزدىڭ ەكونوميكالىق جانە الەۋمەتتىك دامۋىنا وڭ اسەر ەتەدى. بۇل جوبالاردىڭ ىسكە اسىرىلۋىن مونيتورينگىلەۋ پروتسەسى ءبىرىنشى ۆيتسە-پرەمەردىڭ جەكە باقىلاۋىنا الىندى.