قازاق وتباسىلارى كاسىپ ەتە بەرمەيتىن ساڭىراقۇلاق وسىرۋگە كەنتاۋداعى گۇلنار نيازوۆانىڭ وتباسى ماماندانعان. ولار «Samruk Kazyna trust» قورىنىڭ «ارەكەت» باعدارلاماسىنا قاتىسىپ, ءۇش ساتىلى بايقاۋىنان جەڭىمپاز اتانعان. ءسويتىپ, 2 ملن تەڭگەلىك الەۋمەتتىك-كاسىپكەرلىك گرانتىنا يە بولدى.
ءۇيىنىڭ اۋلاسىنداعى شاعىن بولمەلەردىڭ ءبىرىن ساڭىراۋقۇلاق ينكۋباتورىنا اينالدىرىپ, ەكىنشىسىندە وسىرۋدە. مامانداردىڭ ايتۋىنشا, 100 گرامم ساڭىراۋقۇلاق قۇرامىندا 70 گرامم ەت, 2 كيلو الما, 300 گرامم فۋندۋك-ورمان جاڭعاعى,10 دانا قىزاناقتىڭ كالورياسىن بەرەدى ەكەن.
كاسىپ اشىپ قانا قويماي, كەنتاۋ قالاسىنىڭ تۇرعىندارى ادىلەت ەلشىبەك, ۆلاديمر پوزدنيكوۆ ەسىمدى مۇگەدەك ازاماتتاردى جۇمىسپەن قامتىدى. الداعى ۋاقىتتا كاسىبىن ۇلعايتىپ, ەڭبەككە جارامدى مۇگەدەك ازاماتتاردى جۇمىسپەن قامتۋعا نيەت ەتىپ وتىر.
ول ساڭىراۋقۇلاق قالدىقتارىن جەمىس اعاشتارىنىڭ تۇبىنە ورنالاستىرىپ, ماۋەسىنىڭ مول بولۋىنا دا كوڭىل بولۋدە. قازىرگى كەزدە اۋلاسىندا ءجۇزىم, جاڭعاق, انار, ءىنجىر, ورمان جاڭعاعى, سارعال, الشا, يتمۇرىن جەمىستەرىن وسىرۋدە. بولاشاقتا اناناس, بانان ءوسىرىپ كورمەك. كاسىپ يەسى مۇنىمەن توقتاپ قالماي, كەنتاۋ قالاسىنداعى كوللەدجىندە شاعىن جىلىجاي قۇرىلىسىن باستاپ كەتكەن. الداعى ۋاقىتتا كاليفورنيالىق شۇبالشاڭ ءوسىرىپ, جەردى تابيعي قوپسىتۋدى ءارى بالىقشىلارعا ساتۋدى دا ويلاستىرۋدا. بارىنەن بۇرىن كاسىپكەر گۇلنار نيازوۆا قالدىقسىز ءونىم ءوندىرىپ قانا قويماي, ونى كۇتىپ باپتاۋعا مۇگەدەك جانداردى كوپتەپ تارتۋدى ماقسات ەتىپ وتىر.
ەسكەندىر ەرتاي