كۇن سايىن الەۋمەتتىك مەديتسينالىق ساقتاندىرۋ قورىنىڭ ەلوردالىق فيليالىنا ازاماتتاردان ءمامس جۇيەسى بويىنشا ءتۇرلى سۇراقتار تۇسەدى. بۇل باعىتتا فيليال اقپاراتتىق-ءتۇسىندىرۋ جۇمىستارىن بەلسەندى جالعاستىرۋدا.
مەديتسينا قىزمەتكەرلەرىنىڭ مەديتسينالىق ساقتاندىرۋ جۇيەسى, ونىڭ ىشىندە تمككك اياسىنداعى جانە ءمامس جۇيەسىندەگى مەديتسينالىق قىزمەتتەر, سونداي-اق پاتسيەنتتەردىڭ ساقتاندىرىلۋ مارتەبەسى تۋرالى بىلىمدەرىن انىقتاۋ ماقساتىندا قوردىڭ ەلورداداعى فيليالى «قۇپيا پاتسيەنت» جوباسى اياسىندا مەديتسينا ۇيىمدارى قىزمەتكەرلەرىنە قوڭىراۋ شالىپ, ولاردىڭ بىلىكتىلىگىن تەكسەردى. جوباعا 35 مەديتسينالىق ۇيىم ەندى. ەكى كەزەڭمەن وتكىزىلگەن قوڭىراۋ شالۋ ناتيجەلەرى بويىنشا قوردىڭ نۇر-سۇلتان قالاسى بويىنشا قىزمەت جەتكىزۋشى – مەديتسينا ۇيىمدارى اراسىندا قىزمەتكەرلەر جاۋابىنا قاناعاتتانبايتىن پاتسيەنتتەر كورسەتكىشى 64%-دان 33,5%-عا ازايدى.
سونداي-اق انىقتالعان ماسەلەلەر نەگىزىندە فيليال وقۋ-ۇيرەتۋ ماتەريالدارىن ازىرلەپ, مەديتسينا ۇيىمدارىنداعى «بەستىككە» ارنالعان وقۋ-ۇيرەتۋ شارالارىن وتكىزدى.
«1 شىلدە مەن 18 قىركۇيەك ارالىعىندا حالىقتى اقپاراتتاندىرۋ جانە وتىنىشتەردى قاراستىرۋ ءبولىمىنىڭ قىزمەتكەرلەرى تەلەفون ارقىلى جانە كەلىپ سۇراعان ازاماتتارعا 1215 كەڭەس بەردى. كورسەتىلگەن كەڭەستەر قورىتىندىسى بويىنشا تۇرعىنداردىڭ ساقتاندىرۋ مارتەبەسىنىڭ بولماۋى, ولاردىڭ ۋاقتىلى مەديتسينالىق كومەك الۋىنا كەدەرگى كەلتىرەتىنىن تۇسىنۋگە بولادى», دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ حالىقتى اقپاراتتاندىرۋ جانە وتىنىشتەردى قاراستىرۋ ءبولىمىنىڭ باس ساراپشىسى جانارگۇل ۇمبەتوۆا.
تۇرعىندار تاراپىنان قوعامدىق باقىلاۋ ءبىر جاعىنان الەۋمەتتىك مەديتسينالىق ساقتاندىرۋ قورىنا بۇرمالاۋشىلىقتاردى انىقتاۋعا كومەكتەسەدى, ەكىنشى جاعىنان مەديتسينالىق ۇيىمدار جۇمىسىن تارتىپكە كەلتىرەدى. سوندىقتان ازاماتتاردى ءموبيلدى قوسىمشالاردا ءوز دەرەكتەرىن تەكسەرۋگە جانە سايكەسسىزدىكتەر انىقتالعان جاعدايدا قوردىڭ ەلوردالىق فيليالىنا حابارلاۋعا شاقىرامىز. سونداي-اق 1406 تەلەفونىنا نەمەسە Qoldau 24/7 ءموبيلدى قوسىمشاسى ارقىلى حابارلاسۋعا بولادى.
الەۋمەتتىك مەديتسينالىق ساقتاندىرۋ قورىنىڭ Qoldau-24/7 ءموبيلدى قوسىمشاسى Android سمارتفوندارى ءۇشىن Play Market ارقىلى, Apple سمارتفوندارى ءۇشىن App Store ارقىلى جۇكتەلەدى.