ەلورداداعى ۇلتتىق اكادەميالىق كىتاپحانادا مادەنيەت جانە اقپارات مينيسترلىگىنىڭ ءتىل كوميتەتى 2011-2020 جىلدارعا ارنالعان مەملەكەتتىك باعدارلامانى ىسكە اسىرۋ جونىندەگى ءىس-شارالار جوسپارىنا سايكەس «مەكتەپ باعدارلاماسىنا ەنگەن قازاق ادەبيەتىنىڭ جانە قازاق تىلىنە اۋدارىلعان الەم ادەبيەتى كلاسسيكتەرىنىڭ اۋديوحرەستوماتياسىنىڭ» تۇساۋكەسەر ءراسىمىن وتكىزدى.
ەلورداداعى ۇلتتىق اكادەميالىق كىتاپحانادا مادەنيەت جانە اقپارات مينيسترلىگىنىڭ ءتىل كوميتەتى 2011-2020 جىلدارعا ارنالعان مەملەكەتتىك باعدارلامانى ىسكە اسىرۋ جونىندەگى ءىس-شارالار جوسپارىنا سايكەس «مەكتەپ باعدارلاماسىنا ەنگەن قازاق ادەبيەتىنىڭ جانە قازاق تىلىنە اۋدارىلعان الەم ادەبيەتى كلاسسيكتەرىنىڭ اۋديوحرەستوماتياسىنىڭ» تۇساۋكەسەر ءراسىمىن وتكىزدى.
اقپاراتتىق كەڭىستىكتە مەملەكەتتىك ءتىلدىڭ قولدانۋ اياسىن كەڭەيتۋ, قازاق جانە الەم ادەبيەتى وكىلدەرىنىڭ شىعارمالارىنىڭ كوپشىلىككە قولجەتىمدىلىگىن ناسيحاتتاۋ جانە وقىرمان قاۋىمعا اۋديوحرەستوماتيانىڭ ءازىرلەنگەنى تۋرالى بۇقارالىق اقپارات قۇرالدارى ارقىلى كەڭىنەن حابار تاراتۋ ۇدەرىسىندە ۇيىمداستىرىلعان ءىس-شاراعا مادەنيەت جانە اقپارات مينيسترلىگىنىڭ باسشىلارى, قوعام قايراتكەرلەرى, اقىن-جازۋشىلار مەن جوبانى جۇزەگە اسىرۋعا جاۋاپتى قىزمەتكەرلەر قاتىستى.
جوبانىڭ ماقساتى – وقىرماننىڭ ءتىل مادەنيەتىن جەتىلدىرۋدى, قازاق حالقىنىڭ ادەبي مۇرالارى تۋرالى جۇيەلى تۇسىنىك بەرۋدى جانە الەم ادەبيەتى ۇلگىلەرىمەن تانىستىرۋدى, ىزگىلىك, ادامگەرشىلىك, اسەمدىك, وتانسۇيگىشتىك جانە ىسكەرلىك قۇندىلىقتاردى جاس ۇرپاقتىڭ بويىنا ءسىڭىرۋدى كوزدەيدى. سونداي-اق, جاستاردى, اسىرەسە, مەكتەپ وقۋشىلارىن ينتەرنەت كوزدەرى ارقىلى كوركەم شىعارمالاردىڭ اۋديونۇسقاسىن ءوز بەتىنشە ىزدەپ, قىزىعىپ وقۋعا داعدىلاندىرۋ بولىپ تابىلادى. نەگىزىندە اۋديوحرەستوماتيا مەكتەپ جاسىنداعى بالالارعا, اتا-انالارعا, سونداي-اق, قازاق ءتىلى مەن ادەبيەتى مۇعالىمدەرى مەن جالپى كوپشىلىك قاۋىمعا ارنالىپ, جوبا ءتىل كوميتەتىنىڭ til.gov.kz سايتىندا ورنالاستىرىلىپتى.
باسقوسۋدا ءسوز العان مادەنيەت جانە اقپارات مينيسترلىگى ءتىل كوميتەتىنىڭ توراعاسى ماقسات سقاقوۆ جۇزەگە اسىرىلىپ وتىرعان ءىس-شارانىڭ ماڭىزدىلىعىنا توقتالىپ وتسە, بەلگىلى قالامگەرلەر اكىم تارازي مەن تولەن ابدىك ءتىل ماسەلەسىندەگى ءتۇيتكىلدەردى تىلگە تيەك ەتە كەلە, قولعا الىنعان يگىلىكتى ىسكە ريزاشىلىق ءبىلدىرىپ, ساتتىلىك تىلەدى. ەلىمىزدىڭ ەڭبەك سىڭىرگەن ءارتىسى ساۋىق جاقانوۆا, عالىمدار سەرىك نەگيموۆ پەن قايرات ساق, جازۋشىلار باقىتجان توباياقوۆ پەن سادىبەك تۇگەل, ءبىلىم جانە عىلىم مينيسترلىگىنىڭ وكىلى روزا باتتال مەن استانا قالالىق №51 مەكتەپ-گيمنازياسىنىڭ ديرەكتورى كۇنىمحان دۇيسەنوۆالار اتقارىلعان اۋقىمدى ءىستىڭ ءمان-ماعىناسىن اتاپ ءوتىپ, ءوز وي-پىكىرلەرىن ورتاعا سالدى.
بەرىك سادىر,
«ەگەمەن قازاقستان».