يسپانياداعى سان-سەباستيان قالاسىندا ءوتىپ جاتقان حالىقارالىق فەستيۆالدا فرانتسيالىق رەجيسسەر, ستسەناريشى جانە اكتەر ەجەن گرين مەديتسينالىق ماسكا تاعۋدان باس تارتقانى ءۇشىن اككرەديتاتسيادان ايىرىلىپ, بايقاۋدان شىعارىلدى, دەپ حابارلايدى Egemen.kz
ۇيىمداستىرۋشىلاردىڭ ايتۋىنشا, ءفيلمىن كورسەتۋ كەزىندە رەجيسسەردىڭ ماسكا تاعۋ بەس رەت سۇرالدى, بىراق گرين باس تارتقان. اقىرى فرانتسيالىق رەجيسسەر زالدان قۋىلدى. باسىلىم مالىمەتىنشە, جەرگىلىكتى قۇقىق قورعاۋ ورگاندارى اكتەردى وعان شاعىم تۇسىرىلەتىنى جايىندا ەسكەرتكەن.
28 تامىزدا پاريج بيلىگى قالا تۇرعىندارىن كوشەدە جۇرگەندە ماسكا تاعۋدى مىندەتتەگەن بولاتىن. ال 26 تامىزدا مۇنداي شەشىمدى مارسەل بيلىگى دە قابىلدادى. كوشەدە نەمەسە دۇكەندە ماسكاسىز جۇرگەندەرگە 135 ەۋرو كولەمىندە ايىپپۇل سالىنادى. ەرەجەلەر قايتا بۇزىلسا, ايىپپۇل سوماسى 1,5 مىڭ ەۋروعا دەيىن كوبەيۋى مۇمكىن.