استىقتى اۋىسپالى ەگىستە ءوسىرۋ ەرەكشەلىكتەرى

اڭىزدىق تاناپتار كۇزدىك دا­قىلدارعا جاقسى العى داقىل بولىپ تابىلادى. تازا ءسۇرى جەر تانابىنىڭ ورنىنا اڭىز­دىق تاناپتا كوكتەمدە ءبىر جىل­دىق داقىلدار سەبىلىپ وسىرىلەدى. تامىز ايىنىڭ ءبىرىنشى ون كۇندىگىندە ءبىر جىلدىق داقىلدار (شوپتەر) گۇلدەنۋ فازاسىندا جاسىل بالاۋساعا شابىلادى. شابىلعاننان سوڭ 4-5 كۇننەن كەيىن كەپكەن سوڭ پىشەنگە جينالىپ الىنادى. پىشەندى جيناپ بولعاننان كەيىن اڭىز­دىق تاناپتاعى ارامشوپتەرگە قۇرامىندا گليفوسات بار گەربيتسيدپەن (فاراون گولد) ءار گەكتارىنا 1,5 ليتر مولشەرىندە بۇركىلەدى. وسىلاي گەربيتسيدپەن بۇركۋ ارقىلى اڭىزدىق تاناپتا ىل­عال قورى ساقتالىپ جانە ارامشوپتەر جوي­ى­لادى. سەبىل­گەن كۇزدىك داقىلدار تاناپ­تارىن­داعى توپىراقتىڭ بەتكى جو­عار­عى قاباتى تولىعىمەن بىرجىلدىق داقىل­داردىڭ ساباقتارى مەن قالدىقتارى ارقىلى جابىلىپ, ناتيجەسىندە ەگىس­تىك تاناپتار سۋ جانە جەل ەروزياسىنان قورعالادى.

استىقتى اۋىسپالى ەگىستە كۇز­دىك دا­قىل­داردى وسىلاي سەۋىپ ءوسىرۋ ارقىلى ەگىس القاپ­تارى ءتيىمدى پايدالانىلادى, مال شارۋاشىلىعى ءۇشىن قو­سىم­شا پىشەن ءونىمى الىنادى جانە توپىراق قابا­­تى ەروزياعا ۇشى­رامايدى. وسى اتال­عان جۇ­مىستار ءبارى ءبىر جىلدىڭ ىشىن­دە اتقارى­لادى, ەكىنشى جىلى كۇزدىك داقىل­داردان ءونىم الىنادى.

اۋىل شارۋاشىلىق تاۋار ون­دىرۋشى­لەرىنە اۋىسپالى ەگىستە كۇزدىك داقىل­داردى ءوسىرۋدىڭ باسقا دا بىرنەشە بالامالى نۇس­قاسى بار.

الدابەرگەن قياس,

عىلىمي ماتەريالدى دايىنداعان اۋىسپالى ەگىس توبىنىڭ جەتەكشى عىلىمي قىزمەتكەرى