سايرام اپب-نا جەرگىلىكتى تۇرعىن ارىزدانعان. ول ءوز ارىزىندا كوشە بويىندا ورنالاسقان ءدامحانالاردىڭ بىرىندە ۇستەل ۇستىندە تۇرعان «وررو» ماركالى ۇيالى تەلەفونىن بەلگىسىز بىرەۋ ۇرلاپ اكەتكەنىن جازعان. جالپى كەلتىرىلگەن شىعىن كولەمى 100 000 تەڭگەدەن اسادى. اتالعان جايت قر قك-ءنىڭ 188-بابى «ۇرلىق» بويىنشا تىركەلىپ, تەرگەپ-تەكسەرۋ امالدارى جۇرگىزىلۋدە.
سايرام اپب كپب-ءنىڭ قىزمەتكەرلەرىنىڭ «ۋچاسكە» جەدەل پروفيلاكتيكالىق ءىس-شاراسى ءوتۋ بارىسىندا كۇدىكتى ازاماتشانىڭ جەرگىلىكتى تۇرعىن ەكەنى انىقتالدى. ءتارتىپ ساقشىلارى كامەرالاردان باقىلاپ, تاۋلىك ىشىندە كۇدىكتىنى تۇرعىلىقتى مەكەنجايىنان تاۋىپ, اب-عا جەتكىزدى. ايعاقتى زات رەتىندە تەلەفون تاركىلەنىپ, زاڭدى يەسىنە قايتارىلدى.
ءوز كەزەگىندە تۇركىستان وبلىسىنىڭ پوليتسەيلەرى ازاماتتارعا قىراعى بولۋ جانە قۇندى زاتتاردى قاراۋسىز قالدىرماۋ قاجەتتىگىن ەسكەرتەدى. قىمبات ۇيالى تەلەفوندار, اقشا جانە قۇندى زاتتاردى كوپشىلىك الدىندا كورسەتپەي, ولاردى سومكەنىڭ ىشىندە نەمەسە كيىمنىڭ ىشكى قالتاسىندا ساقتاۋ كەرەك. باعالى زاتتار ۇرلانعان نەمەسە جوعالعان جاعدايدا, تەز ارادا پوليتسياعا «102» تەلەفون ءنومىرى ارقىلى حابارلاسقانىڭىز ءجون.