يندونەزيالىق بالىقشى ءۇش كۇن بويى مۇحيتتا بالىققا ارنالعان قوراپ ىشىندە ءجۇزىپ, ءتىرى قالدى, دەپ حابارلايدى Egemen.kz tengtinews.kz سايتىنا سىلتەمە جاساپ.
يندونەزيانىڭ سولتۇستىك مالۋكۋ پروۆينتسياسىنداعى 46 جاستاعى ۋدين ديمان 14 قىركۇيەكتە بالىق اۋلاۋعا كەتىپ, سول كۇنى كەشكە ۇيىنە ورالماعان. ءبىر كۇننەن كەيىن بالىقشىنىڭ وتباسى پوليتسياعا جۇگىنگەن.
قۇتقارۋشىلار ەر ادامنىڭ بالىق اۋلايتىن جەرلەرىن تەكسەرگەن, بىراق ول جاقتان تابىلماعان. كەيىن ىزدەۋ ايماعىن كەڭەيتۋ تۋرالى شەشىم قابىلدانادى, ال ەكى كۇننەن كەيىن ۋدين بالىققا ارنالعان قوراپتا اش كۇيىندە تابىلدى.ء"بىز ونىڭ ءۇش كۇن بويى تاماقسىز جانە سۋسىز قالاي ءتىرى قالعانىن بىلمەيمىز, بىراق ونىڭ جولى بولدى. ءبىز ونىڭ تابىلعانىنا قۋانىشتىمىز", دەدى قۇتقارۋ توبىنىڭ جەتەكشىسى.
ءۋديننىڭ ءوزى ونىڭ قايىعى قاتتى اعىن سالدارىنان اۋدارىلىپ قالعانىن ايتادى. ول بالىقتى ساقتاۋعا ارنالعان مۇز سالىنعان قوراپتى ۇستاپ قالعان, كەيىن ءۇش كۇن بويى مۇحيتتا ءجۇزىپ جۇرگەن. "مەن اش بولعان سوڭ اندا-ساندا ەسىمنەن تانىپ قالا بەردىم, قۇتقارۋشىلار تاپقانشا ۇيىقتادىم", - دەيدى ەر ادام.