فرانتسيا تاسجولدارىندا ءۇش اپتاعا سوزىلعان ۆەلوشاباندوزداردىڭ بەيرەسمي الەم چەمپيوناتى سانالاتىن «تۋر دە فرانس» ۆەلوكوپكۇندىگى ءوز مارەسىنە جەتتى. دوداعا قازاقستاننىڭ «استانا» ۆەلوكومانداسى دا قاتىستى.
جىل سايىن ۇزدىكتەر قاتارىنان كورىنەتىن «استانا» كومانداسى بيىلعى باسەكەدە جۇلدەلى ورىنعا سىنىق سۇيەم قالعاندا ءسۇرىندى. «تۋر دە فرانس» باسەكەسىنە كاپيتان رەتىندە «استانا» ۆەلوشاباندوزدارىن باستاپ بارعان كولۋمبيالىق سپورتشى ميگەل انحەل لوپەس جارىستىڭ سوڭعى كۇندەرىنە دەيىن ءۇشىنشى ورىندا كەلە جاتقان بولاتىن. 20-كەزەڭدەگى جەكەلەي باسەكەدە ءساتسىز ونەر كورسەتىپ, ۇزدىك ۇشتىكتىڭ قاتارىنان شىعىپ قالدى.
دەسە دە «استانا» ۆەلوشاباندوزدارى ەكى مارتە جەڭىمپازى اتاندى. جارىستىڭ التىنشى كەزەڭىندە ۆەلوسپورتتان قازاقستان چەمپيونى الەكسەي لۋتسەنكو ۇزدىك اتانسا, 17-كەزەڭىندە ميگەل انحەل لوپەس مارە سىزىعىن ءبىرىنشى بولىپ كەستى.