وقيعا 19 قىركۇيەكتە قاراقيا اۋدانىندا شوپان اتا كيەلى ورنىنا بارار جولدا ورىن العان. ماڭعىستاۋ وبلىستىق توتەنشە جاعدايلار دەپارتامەنتىنە قاراستى داعدارىس جاعدايلارىنىڭ باسقارماسىنا دەلتاپلان اتتى موتورسىز ۇشاتىن اپپاراتتىڭ قۇلاعانى جايلى حابارلاما كەلىپ تۇسكەن. بۇل تۋرالى ماڭعىستاۋ وبلىستىق توتەنشە جاعدايلار دەپارتامەنتى ءباسپاسوز قىزمەتى حابارلادى.
دەلتاپلان اپاتى سالدارىنان زارداپ شەككەن 1988 جىلى تۋىلعان ازاماتقا كومەك كورسەتۋگە وقيعا ورنىنا قۇتقارۋشىلار توبى - وبلىستىق توتەنشە جاعدايلار دەپارتامەنتىنىڭ بەس قۇتقارۋشىسى كەلىپ جەتكەن.
ەكى قولى سىنعان ازامماتتىڭ ءوز كۇشىمەن ارەكەت ەتۋى مۇمكىن بولماعان. ەر ادامعا العاشقى مەديتسينالىق كومەك كورسەتىلىپ, الپينيستتىك جاراقتاردىڭ كومەگىمەن ونى جاردان ءتۇسىرىپ, اۋرۋحاناعا جەتكىزدى.