قازاقستاندا جەر ءۇستى سۋلارى ساپاسىنىڭ ينتەراكتيۆتى كارتاسى جۇمىس ىستەيدى. بۇل تۋرالى ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ايتتى, دەپ حابارلايدى Egemen.kz.
"بۇگىن - دۇنيەجۇزىلىك سۋ ساپاسىن باقىلاۋ كۇنى. قازاقستاندا مۇنداي باقىلاۋ 143 سۋ نىساندارىندا جۇرگىزىلەدى",- دەپ جازدى مينيستر ءوز Twitter پاراقشاسىندا.
ءمينيستردىڭ سوزىنشە, جەر ءۇستى سۋلارى ساپاسىنىڭ ينتەراكتيۆتى كارتاسى وتكەن جىلى ازىرلەندى. ول جەردەن بارلىق وزەن-كولدەردىڭ سۋ ساپاسىن ونلاين باقىلاۋعا مۇمكىندىك بار.
"بارشا قازاقستاندىقتاردى ەڭ باعالى تابيعي رەسۋرسىمىزدىڭ ءبىرى - سۋدى ساقتاۋعا, وعان ۇقىپتى قاراۋعا شاقىرامىن", - دەدى ماعزۇم مىرزاعاليەۆ.