داۋىل باتىسقا قاراي شامامەن 20 كم/ساع جىلدامدىقپەن قوزعالۋدا, دەپ حاباردايدى Egemen.kz تايلاند مەتەورولوگيالىق باسقارماسىنا سىلتەمە جاساپ.
وڭتۇستىك قىتاي تەڭىزىندە پايدا بولعان "نوۋل" تروپيكالىق داۋىلى وسى جۇمادا تايلاندتىڭ سولتۇستىك-شىعىسىنا جەتىپ, ءىرى تايفۋنعا اينالۋى مۇمكىن.
"جويقىن داۋىل باتىسقا قاراي شامامەن 20 كم/ساع جىلدامدىقپەن قوزعالۋدا. ول تايفۋنعا اينالىپ, ۆەتنامنىڭ ورتالىق بولىگىنە جەتەدى دەگەن بولجامدار بار. ءسويتىپ داۋىل تايلاندتىڭ سولتۇستىك-شىعىسىنا قاراي 18 بەن 20 قىركۇيەك ارالىعىندا اۋىسادى", دەلىنگەن حابارلامادا.
مەتەورولوگيالىق باسقارمانىڭ ايتۋىنشا, قاتتى جەلمەن ارالاس نوسەر جاڭبىر جاۋادى. اسىرەسە بۇل جاعداي پاتشالىقتىڭ سولتۇستىك-شىعىسىندا ورنالاسقان تۇرعىندار ءۇشىن اسا قاۋىپتى ەكەنىن جەتكىزدى. سونىمەن قاتار پورتتاعى كەمەلەردىڭ الىس جولعا شىقپاۋلارىن ەسكەرتەدى.