بۇگىن الماتى قالاسىنىڭ اكىمى باقىتجان ساعىنتاەۆ قالا تۇرعىندارىمەن جەتىنشى رەت تىكەلەي ەفيردە جۇزدەستى. الدىمەن شاھار باسشىسى كاسىپكەرلەرگە جالعا الۋ تولەمدەرىن جەڭىلدەتۋدە كومەك كورسەتىلەتىنى تۋرالى مالىمدەدى, دەپ حابارلايدى Egemen.kz
قالالىقتاردىڭ "الماتى" تەلەارناسىنىڭ Akimat Live باعدارلاماسى ارقىلى ەفيردە قويىلعان سۇراقتارعا جاۋاپ بەرە كەلىپ, ساۋدا ورتالىقتارىنىڭ الاڭدارىن جالعا العان كاسىپكەرلەرگە قولداۋ كورسەتۋ شارالارى تۋرالى ايتتى.
بۇرىن حابارلانعانداي, تج رەجىمى كەزىندە قىزمەت كورسەتۋ سالالارى ايتارلىقتاي شىعىنعا ۇشىرادى, ولار - قوعامدىق تاماقتانۋ ورىندارى, فيتنەس پەن سپورت, ساۋدا جانە باسقالارى. بۇگىنگى كۇنى, 9 مىڭعا جۋىق (24,7%) كاسىپكەرلەر جالعا العان ورىندارىنا قاتىستى قيىندىقتاردى باستان وتكەرۋدە. وسىعان وراي, جالعا بەرۋشىلەرمەن جەڭىلدىكتەر جاساۋ ماسەلەسى پىسىقتالۋدا.
ب.ساعىنتاەۆ اتاپ وتكەندەي, جالعا بەرۋشىلەردىڭ كوپشىلىگى ۇسىنىستى قابىل الىپ, جالعا الىنعان ورىنداردىڭ تولەمىن ەسەپتەۋدى توقتاتتى.
"توتەنشە جاعداي رەجيمى مەن كارانتين كەزىندە ءىرى ساۋدا نىساندارىنىڭ يەلەرى, ونىڭ ىشىندە 153 ساۋدا جانە ويىن-ساۋىق ورتالىقتارى, ساۋدا ورتالىقتارى, ساۋدا ۇيلەرى مەن بازارلار 40 مىڭعا جۋىق جالعا الۋشىلاردان تولەم الۋدى توقتاتتى. بۇلاردان وزگە, قازىرگى كەزدە كوپتەگەن بازارلار مەن ساۋدا جانە ويىن-ساۋىق ورتالىقتارى جالعا بەرۋ باعاسىن 20-30%-عا تومەندەتتى", دەپ حابارلادى الماتى اكىمى.
الماتىدا "اتامەكەن" ۇكپ ىقپال ەتۋىمەن ساۋدا نىساندارىنداعى 13 مىڭعا جۋىق جالعا الۋشىلاردىڭ 2,7 ملرد تەڭگە سوماسىنداعى ماسەلەسى شەشىلدى. بۇل باعىتتاعى جۇمىس جالعاسۋدا.
مىسالى, Moskva metropolitan وسو-نىڭ ساۋدا الاڭدارىندا 180 جالعا الۋشى بار, ولاردان اي سايىن 265 ملن تەڭگە تولەم تۇسەدى. قوماقتى شىعىنعا ۇشىراعانىنا قاراماستان, جالعا بەرۋشى داعدارىسقا قارسى جەكە شارالاردى قابىلداي وتىرىپ, جالعا الۋشىلاردى تولەمدەردەن بوساتتى.
"اۆتوسيتي" ءسۇ-دە 120 جالعا الۋشى بار, ولاردان اي سايىن 6 ملن تەڭگە تۇسەدى. ساۋدا ءۇيى دە جالعا الۋشىلارعا قولداۋ كورسەتۋگە جانە تج مەن كارانتين كەزىندە ولارعا دەمالىس بەرۋگە دايىن.
كاسىپكەرلەر نەسيەلەرىنىڭ تولەمدەرىن شەگەرۋگە قاتىستى ايتا كەلىپ, قالا اكىمى ەدب باسشىلارىنىڭ تولەمدەردى شەگەرۋ ماسەلەسى تالقىلاناتىن ىسكەرلىك كەڭەسىنىڭ قۇرامىنا ەنگەندەرىن حابارلادى. بۇگىنگى كۇنى 127,3 ملرد تەڭگەنىڭ 360 مىڭ نەسيەسى بويىنشا تولەم شەگەرىلدى.
سونىمەن قاتار, بيزنەستى قولداۋ مەن دامىتۋ جونىندەگى مەملەكەتتىك جانە وڭىرلىك باعدارلامالار اياسىندا سىياقى مولشەرى تومەندەتىلدى. مىسالى, بجك باعدارلاماسى بويىنشا كاسىپكەرلەر ءۇشىن مولشەرلەمە 6%-عا دەيىن (بۇرىنعىسى 8,4%), "Almaty Business-2025" باعدارلاماسى اياسىندا 7%-دان 6%-عا دەيىن ازايدى.
قوسىمشا, "دامۋمەن" بىرگە شوب ەندى قارقىن الا باستاعان الاتاۋ, ناۋرىزباي, جەتىسۋ, تۇركسىب جانە اۋەزوۆ اۋداندارىندا سىياقىنىڭ جىلدىق مولشەرلەمەسىن 7%-دان 5%-عا دەيىن تومەندەتۋ بويىنشا جۇمىستار جۇرۋدە.