ەلوردا اكىمى التاي كولگىنوۆ ۇكىمەت وتىرىسىندا نۇر-سۇلتاندا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ بويىنشا قولعا الىنعان شارالاردى اتادى, دەپ حابارلايدى Egemen.kz ەلوردا اكىمدىگىنە سىلتەمە جاساپ.
ء"بىرىنشى.... "اينالىم تەتىگى" جوباسى جالعاسىن تاپتى. ساۋدا جەلىلەرىنە ازىق-ت ۇلىك ساتىپ الۋعا بولىنەتىن سوما 180 ملن تەڭگەدەن 2,4 ملرد تەڭگەگە دەيىن ارتتى (ون ءۇش ەسەدەن استام). بۇل 16 ءونىم ءتۇرىنىڭ باعاسىن ۇستاپ تۇرۋعا مۇمكىندىك بەرەدى. ەگەر بۇرىن جوباعا ساۋدا جەلىلەرىنىڭ 4 وبەكتىسى قاتىسسا, قازىر 12-گە دەيىن كوبەيدى: ماگنۋم, استىقجان, كەنمارت, ۆكۋسمارت, ا2, مەترو, انۆار, راحمەت, اقمول, سمولل, ارتەم, شاپاعات.
سونىمەن قاتار باعانى بەكىتۋ كەزەڭى ءبىر جىلعا دەيىن سوزىلدى. وتاندىق تاۋار وندىرۋشىلەرمەن تىكەلەي 700 ملن تەڭگەدەن استام سوماعا 3 فورۆاردتىق كەلىسىمشارت جاسالدى.
ەكىنشى. تۇراقتاندىرۋ قورى قۇرىلدى. "الەۋمەتتىك نان" باعاسىن تۇراقتاندىرۋ ءۇشىن جەرگىلىكتى بيۋدجەتتەن قوسىمشا 700 ملن تەڭگە ءبولىندى. بۇل سونداي-اق ناۋبايحانالاردىڭ جۇمىسىن قولداۋعا مۇمكىندىك بەرەدى.
ءۇشىنشى. 5 قىركۇيەكتەن باستاپ, ءار دەمالىس كۇندەرى ءبىز 12 قازانعا دەيىن اۋىلشارۋاشىلىق جارمەڭكەلەرىن وتكىزەمىز. ءونىمدى 12 ءوڭىر الىپ كەلەدى. ەكى دەمالىس اپتاسىندا نارىق باعاسىنان تومەن باعامەن 1 مىڭ 200 توننادان استام ءونىم ساتىلدى.
ءتورتىنشى. جەكە ينۆەستيتسيالاردى تارتۋ ەسەبىنەن قاجەتتى مينيسترلىكتەرمەن بىرلەسىپ قالادا ءۇش كوتەرمە-تاراتۋ ورتالىعىن سالۋدى جوسپارلاپ وتىرمىز. ولار اسىرەسە ماۋسىمدىق سۇرانىس كەزەڭىندە, الەۋمەتتىك ماڭىزى بار ازىق-ت ۇلىك باعاسىن ۇستاپ تۇرۋعا مۇمكىندىك بەرەدى", دەپ قورىتىندىلادى ەلوردا اكىمى التاي كولگىنوۆ.