پرەزيدەنت قاسىم-جومارت توقاەۆتىڭ مەكتەپتەر مەن جوعارى وقۋ ورىندارىندا جاس ۇرپاقتى ەكولوگيالىق تاربيەلەۋگە ءتيىستى كوڭىل ءبولۋ قاجەتتىگى تۋرالى تاپسىرماسىن ورىنداۋ اياسىندا نۇر-سۇلتان قالاسىنىڭ مەكتەپتەرىندە ەكولوگيالىق مارافون باستالدى.
نۇر-سۇلتان قالاسىنىڭ ءبىلىم باسقارماسى مەن وكم وپەراتورىنىڭ باستاماسىمەن قولعا الىنعان جوبا نۇر-سۇلتان قالاسىنىڭ ءبىلىمدى جاڭعىرتۋ ورتالىعى, «Clean city NC» قوقىس شىعارۋشى كومپانياسى مەن «جاس ۇلان» رقب ەرىكتىلەرى تاراپىنان قولداۋ تاپتى.
ءبىر اي ىشىندە باستاۋىش سىنىپ وقۋشىلارىنا قاتتى تۇرمىستىق قالدىقتاردى بولەك جيناۋ تاقىرىبىندا ەكولوگيالىق ساباقتار ۇيىمداستىرىلادى. وقىتۋ ءۇردىسى ويىن تۇرىندە جانە ونلاين-فورماتتا وتكىزىلەدى. ونى ەكولوگيالىق قوزعالىس كوشباسشىلارى جۇرگىزەدى.
ەكو-ساباقتاردا بالالارعا ەكولوگيالىق مادەنيەتتىڭ نەگىزدەرى, وڭدەۋگە جارامدى قالدىقتاردى ۇيدەن سۇرىپتاۋ, قورشاعان ورتانى لاستاماۋعا ۇيرەتەدى. سىنىپتا قالدىقتى قايتا وڭدەۋدى كورسەتەتىن بەس مينۋتتىق ويىن تۇرىندەگى ساباقتار مەن انيماتسيالىق روليكتەر كورسەتىلدى. بۇگىنگى تاڭدا ەكو-ساباققا 1-4 سىنىپ ارالىعىندا 1500-گە جۋىق وقۋشى قاتىستى.
سونىمەن قاتار ەكولوگيالىق مارافون اياسىندا ەلوردالىق پەداگوگتەرگە ارنالعان ەكو-بەلسەندىلەر ترەنينگتەرى باستالادى. مەنتورلاردىڭ مىندەتى – مۇعالىمدەرگە ەكولوگيا جانە قوقىستى بولەك جيناۋ تۋرالى ساپالى كونتەنت بەرۋ. جوبا اياسىندا «ەكواسار» تاجىريبەلىك بلوك-اكتسياسى قاراستىرىلعان. ەلوردا مەكتەپتەرى ماكۋلاتۋرا, پلاستيك بوتەلكەلەر مەن اليۋميني بانكالاردى قايتا وڭدەۋگە جيناۋدى جاريالايدى. قايتا وڭدەۋگە جارامدى شيكىزاتتان تۇسكەن قاراجات از قامتىلعان وتباسىلاردىڭ بالالارىنا نوۋتبۋك ساتىپ الۋعا جۇمسالادى. قايىرىمدىلىق شاراسى 11 قىركۇيەك پەن 11 قازان ارالىعىندا وتكىزىلەدى.
وكم وپەراتورى ەكولوگيالىق ءبىلىم دەڭگەيىن ارتتىرۋعا كوپ كوڭىل بولەدى. بۇل جۇمىستا كومپانيا حالىقارالىق جانە قوعامدىق ۇيىمدارمەن ىنتىماقتاستىق ورناتقان. وكم وپەراتورىنىڭ قولداۋىمەن «مەنىڭ ەكو-مەكتەبىم» ءبىلىم بەرۋ جوباسى, «قايتا وڭدەۋگە» اكتسياسى, «ەرلىك ساندىعى» قايىرىمدىلىق جوباسى ىسكە قوسىلدى. «ۋتيل وت ا دو يا» جوباسى اياسىندا قالدىق وڭدەيتىن كاسىپورىندارعا ەكسكۋرسيالار ۇيىمداستىرىلدى. قاشىقتان وقىتۋ كەزەڭىندە وپەراتوردىڭ قولداۋىمەن 28 ۆەبينار ءوتتى. وعان 4 500-دەن استام ادام (پەداگوگتەر, بالالار جانە اتا-انالار) قاتىستى. سونداي-اق «ەكو-تراك» جوباسىندا پلاستيكالىق قالدىقتاردى وڭدەۋ بويىنشا ءموبيلدى زاۋىتتى ىسكە قوسۋ جانە ينتەگراتسيالانعان ەكو-ساباقتار ءۇشىن مودۋل ازىرلەۋ قارجىلاندىرىلدى.