م.نارىكباەۆ اتىنداعى KAZGUU ۋنيۆەرسيتەتى ازاماتتاردىڭ قۇقىقتىق ساۋاتتىلىعىن ارتتىرۋ, سونداي-اق حالىققا زاڭگەرلىك كومەك كورسەتۋ ماقساتىندا «TEGIN KENES» جوباسىن باستادى. ەندى قازاقستاننىڭ ءاربىر ازاماتى ۇيدەن شىقپاي-اق بىلىكتى زاڭگەردىڭ كەڭەسىن تەگىن الا الادى.
ول ءۇشىن ZOOM قوسىمشاسىن ورناتىپ, سىلتەمە بويىنشا ءوتۋ قاجەت: https://clck.ru/Qjy2P. ازاماتتاردى قابىلداۋ ۆيرتۋالدى كابينەتتە دۇيسەنبىدەن جۇماعا دەيىن ساعات 10.00 - 18.00 ارالىعىندا وتەدى.
ء«ار ادامعا ساپالى قۇقىقتىق كەڭەس قاجەت. ەل پرەزيدەنتى قاسىم-جومارت توقاەۆ ۆولونتەرلىك قىزمەتتىڭ باسىم مىندەتتەرىنىڭ ءبىرى – مۇقتاج جاندارعا زاڭگەرلىك كومەك بەرۋ دەگەن بولاتىن. بىراق قۇقىقتانۋشى ماماندار قىزمەتىنىڭ باعاسى بارلىعىنا بىردەي قولجەتىمدى ەمەس. ساۋاتتى زاڭگەرلەردىڭ كەڭەسى ۋاقىتىندا بەرىلگەن بولسا, ءبىراز كەيستەردى شەشۋگە بولاتىن ەدى», دەپ اتاپ ءوتتى كلينيتسيست-ستۋدەنت رامازان ازىرەتقۇلوۆ.
زاڭ كلينيكاسى ديرەكتورىنىڭ ايتۋىنشا, ازاماتتىق, وتباسىلىق نەمەسە ەڭبەك ماسەلەلەرى بويىنشا حابارلاسۋعا بولادى. كلينيتسيست-ستۋدەنتتەردىڭ جاۋاپتارى الدىن الا كاسىبي زاڭگەرلەردىڭ ساپالىق تەكسەرۋىنەن وتەدى.
ء«بىز قازاقستاندا «ۆولونتەر جىلى» جاريالانعانعا دەيىن دە قۇقىقتىق ەرىكتىلەر رەتىندە بەلسەندى جۇمىس اتقاردىق. بيىل كارانتيندىك شەكتەۋلەردى ەسكەرىپ, قاشىقتان كەڭەس بەرۋدى قولعا الىپ وتىرمىز. ارنايى ازىرلەنگەن Zandar.kz سايتىنان باسقا, ZOOM پلاتفورماسىندا ۆيرتۋالدى كابينەت ىسكە قوسىلدى. زاڭ كلينيكاسىندا تاعىلىمدامادان ءوتىپ جۇرگەن ستۋدەنتتەر جۇرتشىلىقتى مازالاعان سۇراقتارعا ونلاين رەجىمدە جاۋاپ بەرۋگە دايىن. ءبىز ستۋدەنتتەرىمىزدىڭ كۇش-جىگەرى ارقىلى قۇقىقتىق ۆولونتەرلىكتى دامىتىپ, حالىقتىڭ قۇقىقتىق ساۋاتتىلىعىن ارتتىرۋعا ۇلەس قوسىپ قانا قويماي, بولاشاق زاڭگەرلەردى الەۋمەتتىك جاۋاپكەرشىلىككە تاربيەلەيمىز», دەپ اتاپ ءوتتى كازگيۋ زاڭ كلينيكاسىنىڭ ديرەكتورى ەستەر بابادجانيان.