ەلوردا اكىمدىگىنىڭ قوعامدىق دەنساۋلىق ساقتاۋ باسقارماسى كۆي-دىڭ مۇمكىن دەگەن جاڭا تولقىنىندا تۇرعىندارعا پسيحولوگتەردى تارتۋ ارقىلى پسيحولوگيالىق كومەك كورسەتەتىن بولادى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
ەمحانالاردىڭ بەيىندى ماماندارى وسى باعىتتا جۇمىس ىستەۋگە تارتىلاتىن بولادى.
"قالا تۇرعىندارىندا كۆي بويىنشا سۇراقتار تۋىنداعان كەزدە حالىقتى تولىق اقپاراتپەن قامتاماسىز ەتۋ ءۇشىن ەمحانالارداعى Call-ورتالىقتاردىڭ جۇمىسىن كۇشەيتەمىز. ءبىزدىڭ پسيحولوگتەر حالىقتىڭ تولعاندىراتىن سۇراقتارىنا جاۋاپ بەرۋگە, پسيحولوگيالىق قولداۋ كورسەتۋگە دايىن", دەدى باسقارما باسشىسىنىڭ ورىنباسارى ءاليا رۇستەموۆا.
Call-ورتالىقتاردىڭ تەلەفوندارى باسقارمانىڭ, قالالىق مەديتسينالىق ۇيىمداردىڭ سايتىندا جانە الەۋمەتتىك جەلىلەردە ورنالاستىرىلادى. سونداي-اق امبۋلاتوريالىق كومەك دەڭگەيىندە ناۋقاستاردى وڭالتۋ بويىنشا جۇمىستار ازىرلەنىپ جاتىر.