Johns Hopkins ۋنيۆەرسيتەتىنىڭ مالىمەتى بويىنشا الەمدە ەڭ كوپ كوروناۆيرۋس جۇقتىرعانداردىڭ دەرەگى اقش-تا تىركەلگەن, دەپ حابارلايدى Egemen.kz.
الەمدە كوروناۆيرۋس ىندەتىن جۇقتىرعاندار سانى 28 047 828-گە جەتتى. وكىنىشكە قاراي, 906 195 ادام قايتىس بولدى, 18 849 981 ناۋقاس ساۋىعىپ شىقتى.
ينفەكتسيانىڭ ەڭ كوپ جاعدايى اقش-تا تىركەلگەن. مۇندا 6 ميلليوننان استام ادام ىندەت جۇقتىردى. ودان كەيىنگى ورىندا ءۇندىستان جانە برازيليا تۇر. ءۇندىستاندا 4 465 863, برازيليادا 4 197 889 ادام ۆيرۋس جۇقتىردى.
ەسكە سالا كەتەيىك, وتكەن تاۋلىكتە قازاقستاندا 77 ادامنان كوروناۆيرۋس انىقتالدى, 161 ادام ەمدەلىپ شىقتى. جالپى ۆيرۋس جۇقتىرعاندار سانى 106661, 1634 ادام قايتىس بولدى, 100409 ناۋقاس قۇلان تازا ايىقتى.